രാജി വെക്കാൻ പാർട്ടി തന്നോട് ആവശ്യപ്പെട്ടിട്ടില്ലെന്ന് പി കെ ശ്യാമള

രാജി സംബന്ധിച്ച് നേരത്തെ വന്ന വാർത്തകളൊക്കെ അടിസ്ഥാനരഹിതമാണെന്നും അവർ പറഞ്ഞു. അത്തരത്തിൽ ഒരു രാജി ആവശ്യം പാർട്ടി തന്‍റെ മുന്നിൽ വെച്ചിട്ടില്ല. ഇന്നു ചേർന്ന സി പി എം കണ്ണൂർ ജില്ല സെക്രട്ടറിയേറ്റ് ശ്യാമളയോട് രാജി ആവശ്യപ്പെട്ടെന്ന് ആയിരുന്നു വാർത്തകൾ.

എന്നാൽ, രാജി ആവശ്യം പാർട്ടി മുന്നിൽ വെച്ചിട്ടില്ലെന്നും ഇനി രാജി ആവശ്യപ്പെടുകയാണെങ്കിൽ ഉടൻ തന്നെ രാജി വെയ്ക്കുമെന്നും ശ്യാമള വ്യക്തമാക്കി. രാഷ്ട്രീയ ഗൂഢാലോചനയുടെ ഭാഗമാണ് ഇപ്പോൾ വന്നിരിക്കുന്ന ആരോപണങ്ങളെന്നും എന്നാൽ, പാർട്ടിക്കുള്ളിലല്ല പുറത്താണ് ഗൂഢാലോചന നടക്കുന്നതെന്നും ശ്യാമള പറഞ്ഞു.