രാജി വെക്കാൻ പാർട്ടി തന്നോട് ആവശ്യപ്പെട്ടിട്ടില്ലെന്ന് പി കെ ശ്യാമള
Last Updated:
രാജി സംബന്ധിച്ച് നേരത്തെ വന്ന വാർത്തകളൊക്കെ അടിസ്ഥാനരഹിതമാണെന്നും അവർ പറഞ്ഞു
കണ്ണൂർ: രാജി വെക്കാൻ പാർട്ടി തന്നോട് ആവശ്യപ്പെട്ടിട്ടില്ലെന്ന് ആന്തൂർ നഗരസഭ ചെയർപേഴ്സൺ പി കെ ശ്യാമള. മാധ്യമങ്ങളോട് സംസാരിക്കവെയാണ് ശ്യാമള ഇക്കാര്യം പറഞ്ഞത്. രാജിയും തുടർ നടപടിയും പാർട്ടി തീരുമാനിക്കുമെന്നും ശ്യാമള പറഞ്ഞു.
രാജി സംബന്ധിച്ച് നേരത്തെ വന്ന വാർത്തകളൊക്കെ അടിസ്ഥാനരഹിതമാണെന്നും അവർ പറഞ്ഞു. അത്തരത്തിൽ ഒരു രാജി ആവശ്യം പാർട്ടി തന്റെ മുന്നിൽ വെച്ചിട്ടില്ല. ഇന്നു ചേർന്ന സി പി എം കണ്ണൂർ ജില്ല സെക്രട്ടറിയേറ്റ് ശ്യാമളയോട് രാജി ആവശ്യപ്പെട്ടെന്ന് ആയിരുന്നു വാർത്തകൾ.
എന്നാൽ, രാജി ആവശ്യം പാർട്ടി മുന്നിൽ വെച്ചിട്ടില്ലെന്നും ഇനി രാജി ആവശ്യപ്പെടുകയാണെങ്കിൽ ഉടൻ തന്നെ രാജി വെയ്ക്കുമെന്നും ശ്യാമള വ്യക്തമാക്കി. രാഷ്ട്രീയ ഗൂഢാലോചനയുടെ ഭാഗമാണ് ഇപ്പോൾ വന്നിരിക്കുന്ന ആരോപണങ്ങളെന്നും എന്നാൽ, പാർട്ടിക്കുള്ളിലല്ല പുറത്താണ് ഗൂഢാലോചന നടക്കുന്നതെന്നും ശ്യാമള പറഞ്ഞു.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 22, 2019 2:03 PM IST
