കാർ പോസ്റ്റിലിടിച്ച് മറിഞ്ഞുണ്ടായ അപകടത്തിൽ ഒരു മരണം; മദ്യപിച്ച് കാർ ഓടിച്ച പൊലീസുകാരൻ അറസ്റ്റിൽ

കാട്ടാക്കട: വിവാഹത്തിൽ പങ്കെടുക്കാനെത്തിയ സംഘം സഞ്ചരിച്ച കാർ മറിഞ്ഞ് യുവാവ് മരിച്ചു. സംഭവവുമായി ബന്ധപ്പെട്ട് വാഹനം ഓടിച്ച പൊലീസുകാരനെ അറസ്റ്റ് ചെയ്തു. തിങ്കളാഴ്ച ഉച്ചയോടെ പുന്നാവൂർ മലവിള പാലത്തിന് സമീപത്തു വെച്ചാണ് അപകടം ഉണ്ടായത്. യുവാക്കൾ സഞ്ചരിച്ചിരുന്ന കാർ നിയന്ത്രണം വിട്ട് വൈദ്യുതി പോസ്റ്റിലിടിച്ച് മറിയുകയായിരുന്നു. രണ്ടുപേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.