തൃശൂർ-എറണാകുളം പാതയിൽ ട്രെയിൻ ഗതാഗതം സ്തംഭിച്ചു
Last Updated:
കൊച്ചി: തൃശൂർ-എറണാകുളം പാതയിൽ ട്രെയിൻ ഗതാഗതം സ്തംഭിച്ചു. ആലുവ-അങ്കമാലി പാതയിൽ വിള്ളൽ കണ്ടെത്തിയതും വൈദ്യുതി തടസവും കാരണമാണ് രാവിലെ മുതൽ ട്രെയിൻ ഗതാഗതം താറുമാറായത്. ട്രെയിനുകൾ വിവിധ സ്റ്റേഷനുകളിൽ പിടിച്ചിട്ടിരിക്കുകയാണ്. തകരാർ പരിഹരിക്കുന്നതിനുള്ള ശ്രമം തുടരുകയാണെന്നും എത്രയുംവേഗം ട്രെയിൻ ഗതാഗതം പുനഃസ്ഥാപിക്കുമെന്നും അധികൃതർ അറിയിച്ചു.
നിസാമുദ്ദീൻ-എറണാകുളം മംഗള എക്സ്പ്രസ് ഒരു മണിക്കൂർ 40 മിനിട്ട് വൈകിയോടുന്നു. തൃശൂർ-എറണാകുളം പാതയിലെ തകരാർ കാരണം ട്രെയിൻ ഷൊർണൂർ സ്റ്റേഷനിൽ പിടിച്ചിട്ടിരിക്കുകയാണ്. ഗുരുവായൂർ-എറണാകുളം പാസഞ്ചർ ഒരു മണിക്കൂർ വൈകിയോടുന്നു. ഈ ട്രെയിൻ ഒല്ലൂർ സ്റ്റേഷനിൽ പിടിച്ചിട്ടിരിക്കുകയാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 19, 2018 8:18 AM IST
