തൃശൂർ-എറണാകുളം പാതയിൽ ട്രെയിൻ ഗതാഗതം സ്തംഭിച്ചു

കൊച്ചി: തൃശൂർ-എറണാകുളം പാതയിൽ ട്രെയിൻ ഗതാഗതം സ്തംഭിച്ചു. ആലുവ-അങ്കമാലി പാതയിൽ വിള്ളൽ കണ്ടെത്തിയതും വൈദ്യുതി തടസവും കാരണമാണ് രാവിലെ മുതൽ ട്രെയിൻ ഗതാഗതം താറുമാറായത്. ട്രെയിനുകൾ വിവിധ സ്റ്റേഷനുകളിൽ പിടിച്ചിട്ടിരിക്കുകയാണ്. തകരാർ പരിഹരിക്കുന്നതിനുള്ള ശ്രമം തുടരുകയാണെന്നും എത്രയുംവേഗം ട്രെയിൻ ഗതാഗതം പുനഃസ്ഥാപിക്കുമെന്നും അധികൃതർ അറിയിച്ചു.

180 കി.മീ വേഗതയിൽ ചീറിപ്പാഞ്ഞ് ട്രെയിൻ 18

നിസാമുദ്ദീൻ-എറണാകുളം മംഗള എക്സ്പ്രസ് ഒരു മണിക്കൂർ 40 മിനിട്ട് വൈകിയോടുന്നു. തൃശൂർ-എറണാകുളം പാതയിലെ തകരാർ കാരണം ട്രെയിൻ ഷൊർണൂർ സ്റ്റേഷനിൽ പിടിച്ചിട്ടിരിക്കുകയാണ്. ഗുരുവായൂർ-എറണാകുളം പാസഞ്ചർ ഒരു മണിക്കൂർ വൈകിയോടുന്നു. ഈ ട്രെയിൻ ഒല്ലൂർ സ്റ്റേഷനിൽ പിടിച്ചിട്ടിരിക്കുകയാണ്.