പ്രവാചക നിന്ദാ വിവാദം; ഇന്ത്യ മാപ്പു പറയേണ്ടതില്ലെന്ന് ഗവര്ണര് ആരിഫ് മുഹമ്മദ് ഖാന്
- Published by:Jayesh Krishnan
- news18-malayalam
Last Updated:
ഇന്ത്യ എല്ലാവരെയും ഉള്ക്കൊള്ളുന്ന രാജ്യമാണെന്നും പ്രധാനമന്ത്രിയും ആര്എസ്എസ് തലവനും ഇക്കാര്യം വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.
ന്യൂഡല്ഹി: ബിജെപി നേതാവ് നൂപുര് ശര്മ പ്രവാചകനെതിരെ നടത്തിയ പരാമര്ശത്തില് ഇന്ത്യ മാപ്പു പറയേണ്ടതില്ലെന്നു കേരള ഗവര്ണര് ആരിഫ് മുഹമ്മദ് ഖാന്(Governor Arif Muhammed Khan). ഇന്ത്യ എല്ലാവരെയും ഉള്ക്കൊള്ളുന്ന രാജ്യമാണെന്നും പ്രധാനമന്ത്രിയും ആര്എസ്എസ്(RSS) തലവനും ഇക്കാര്യം വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു.
ആഗോള തലത്തിലുള്ള മുസ്ലിം സമൂഹത്തെ വേദനിപ്പിക്കുന്നതാണു പരമാര്ശമെന്നും വിവാദ പരാമര്ശങ്ങളില് ഇന്ത്യന് സര്ക്കാര് പരസ്യമായ ക്ഷമാപണം നടത്തുമെന്ന് പ്രതീക്ഷിക്കുന്നതായും ഖത്തര് വിദേശകാര്യമന്ത്രാലയം പറഞ്ഞിരുന്നു. ഇതിന് പിന്നാലെയാണ് കേരള ഗവര്ണര് വിഷയത്തില് പ്രതികരിച്ചത്.
കശ്മീര് വിഷയത്തിലടക്കം പല രാജ്യങ്ങളും പലതും പറയുന്നു ഇതൊന്നും ഇന്ത്യയെ ബാധിക്കാറില്ലെന്നും ആരിഫ് മുഹമ്മദ് ഖാന് പറഞ്ഞു. ഇന്ത്യയില് മതസ്വാതന്ത്ര്യം ഹനിക്കപ്പെട്ടുവെന്നും അത് സംരക്ഷിക്കണമെന്നും ആവശ്യപ്പെട്ട് ഇസ്ലാമിക രാജ്യങ്ങളുടെ കൂട്ടായ്മ പ്രസ്താവനയിറക്കിയിരുന്നു.
advertisement
ഇസ്ലാമിക രാജ്യങ്ങളുടെ കൂട്ടായ്മയ്ക്കെതിരെ കേന്ദ്രസര്ക്കാര് രംഗത്തെത്തിയിരുന്നു. ഇസ്ലാമിക രാഷ്ട്രങ്ങളുടെ സംഘടന ഇക്കാര്യത്തില് നടത്തിയ അഭിപ്രായപ്രകടനം ചിലരുടെ പ്രേരണ കൊണ്ടെന്ന് വിദേശകാര്യമന്ത്രാലയം പ്രതികരിച്ചു.
ചാനല് ചര്ച്ചക്കിടയില് വിവാദ പരാമര്ശം നടത്തിയ ദേശീയ വക്താവ് നൂപുര് ശര്മയെ ബി.ജെ.പി. സസ്പെന്ഡ് ചെയ്തു. പാര്ട്ടിയുടെ ഡല്ഹി മാധ്യമവിഭാഗം മേധാവി നവീന് ജിന്ഡാലിനേയും പാര്ട്ടി സസ്പെന്ഡ് ചെയ്തിട്ടുണ്ട്. നൂപുര് ശര്മ നടത്തിയ വിവാദ പരാമര്ശത്തില് പ്രതിഷേധവും സംഘര്ഷവും തുടരുന്നതിനിടെയാണ് ബി.ജെ.പിയുടെ നടപടി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 06, 2022 3:20 PM IST
മലയാളം വാർത്തകൾ/ വാർത്ത/Kerala/
പ്രവാചക നിന്ദാ വിവാദം; ഇന്ത്യ മാപ്പു പറയേണ്ടതില്ലെന്ന് ഗവര്ണര് ആരിഫ് മുഹമ്മദ് ഖാന്
