• HOME
  • »
  • NEWS
  • »
  • kerala
  • »
  • കണ്ണു നട്ടു കാത്തിരുന്നിട്ടും മാച്ച് കഴിഞ്ഞ് 'മാ. പ്ര'കളെ കാണാനാകാതെ പി.വി. അൻവർ എംഎൽഎ

കണ്ണു നട്ടു കാത്തിരുന്നിട്ടും മാച്ച് കഴിഞ്ഞ് 'മാ. പ്ര'കളെ കാണാനാകാതെ പി.വി. അൻവർ എംഎൽഎ

പതിവുപോലെ ചോദ്യം ചെയ്യലിന് പിന്നിൽ മാധ്യമങ്ങളെ പരിഹസിച്ച് അൻവർ ഫേസ്ബുക്കിൽ കുറിപ്പുമായി എത്തി. എന്നും കാണുന്ന സഹോദരന്മാരെ ഒന്നും ഇന്ന് വൈകിട്ട്‌ മാച്ച്‌ ചർച്ച കഴിഞ്ഞ്‌ ഇറങ്ങിയപ്പോൾ കണ്ടില്ലല്ലോ, എന്തുപറ്റിയെന്ന് അൻവർ ചോദിക്കുന്നു

  • Share this:

    കൊച്ചി: കർണാടകയിലെ ക്വാറി ബിസിനസിൽ പങ്കാളിത്തം വാഗ്ദാനം ചെയ്ത് 50 ലക്ഷം രൂപ തട്ടിയെടുത്തെന്ന പരാതിയിൽ മൂന്നാം തവണയും പി വി അൻവർ എംഎൽഎ എൻഫോഴ്സ്മെന്‍റ് ഡയറക്ടറേറ്റിന് (ഇഡി) മുമ്പിൽ ഹാജരായി. കൊച്ചിയിലെ ഇ ഡി ഓഫിസിലാണ് ഹാജരായത്. കഴിഞ്ഞ തിങ്കളാഴ്ചയും ചൊവ്വാഴ്ചയും അൻവറിനെ വിളിച്ചുവരുത്തി ഇ ഡി ചോദ്യം ചെയ്തിരുന്നു. രണ്ടാം ദിവസത്തെ ചോദ്യം ചെയ്യൽ ഒൻപത് മണിക്കൂർ നീണ്ടു.

    പതിവുപോലെ ചോദ്യം ചെയ്യലിന് പിന്നിൽ മാധ്യമങ്ങളെ പരിഹസിച്ച് അൻവർ ഫേസ്ബുക്കിൽ കുറിപ്പുമായി എത്തി. എന്നും കാണുന്ന സഹോദരന്മാരെ ഒന്നും ഇന്ന് വൈകിട്ട്‌ മാച്ച്‌ ചർച്ച കഴിഞ്ഞ്‌ ഇറങ്ങിയപ്പോൾ കണ്ടില്ലല്ലോ, എന്തുപറ്റിയെന്ന് അൻവർ ചോദിക്കുന്നു.

    അൻവറിന്റെ ഫേസ്ബുക്ക് കുറിപ്പ്

    എന്നും കാണുന്ന സഹോദരന്മാരെ ഒന്നും ഇന്ന് വൈകിട്ട്‌ മാച്ച്‌ ചർച്ച കഴിഞ്ഞ്‌ ഇറങ്ങിയപ്പോൾ കണ്ടില്ലല്ലോ..😄
    ന്ത്‌ പറ്റി?
    ക്യാമറയിൽ ചാർജ്ജില്ലേ?
    മൈക്ക്‌ കേടായോ?
    അതോ ഇന്നലെ കൊണ്ട്‌ കോൺട്രാക്ട്‌ തീർന്നോ?
    ഇന്നൊന്നും കിട്ടിയില്ലേ?
    മൈ ഡിയർ മാപ്രാസ്‌..
    ഒന്ന് അപ്പ്‌ഡേറ്റ്‌ ചെയ്യടോ..പ്ലീസ്‌..😉

    പി വി അ​ൻ​വ​റിന്റെ സാ​മ്പ​ത്തി​ക ഇ​ട​പാ​ടു​ക​ൾ സം​ബ​ന്ധി​ച്ച​ അ​ന്വേ​ഷ​ണ​ത്തി​ന്റെ ഭാ​ഗ​മാ​യി ഇഡി കൊ​ച്ചി യൂ​ണി​റ്റ്​ മ​ല​പ്പു​റം സ്വ​ദേ​ശി​യി​ൽ​ നി​ന്ന്​ നേരത്തെ വി​വ​ര​ങ്ങ​ൾ ശേ​ഖ​രി​ച്ചിരുന്നു. പി വി അ​ൻ​വ​ർ ആ​രോ​പ​ണ​വി​ധേ​യ​നാ​യ ക്ര​ഷ​ർ ത​ട്ടി​പ്പു​കേ​സി​ൽ പ​രാ​തി​ക്കാ​ര​നാ​യ മ​ല​പ്പു​റം പ​ട്ട​ർ​ക​ട​വ്​ സ്വ​ദേ​ശി ന​ടു​ത്തൊ​ടി സ​ലീ​മി​ൽ​ നി​ന്നാ​ണ്​ മൊ​ഴി​യെ​ടു​ത്ത​ത്.​

    അ​സി​സ്റ്റ​ന്‍റ്​ ഡ​യ​റ​ക്ട​ർ സു​രേ​ന്ദ്ര ഗ​ണേ​ഷ്​ ക​വി​ത്​​ക​റി​ന്‍റെ നേ​തൃ​ത്വ​ത്തി​ലെ സം​ഘ​മാ​ണ് അന്ന്​ വി​വ​ര​ങ്ങ​ൾ​ തേ​ടി​യ​ത്. മം​ഗ​ളൂ​രു ബ​ൽ​ത്ത​ങ്ങാ​ടി​യി​ലെ ക്ര​ഷ​ർ അ​ൻ​വ​റി​ന്​ വി​റ്റ കാ​സ​ർ​ഗോഡ്​ സ്വ​ദേ​ശി ഇ​ബ്രാ​ഹി​മി​നെ​യും ഇ. ഡി വി​ളി​പ്പി​ച്ചി​രു​ന്നു. ​ക്ര​ഷ​റി​ൽ ഷെ​യ​റും ലാ​ഭ​വി​ഹി​ത​വും വാ​ഗ്​​ദാ​നം ചെ​യ്ത്​ 50 ല​ക്ഷം രൂ​പ വാ​ങ്ങി അ​ൻ​വ​ർ ക​ബ​ളി​പ്പി​ച്ചെ​ന്ന്​ കാ​ണി​ച്ച്​ സ​ലീം മ​ഞ്ചേ​രി സി.​ജെ.​എം കോ​ട​തി​യി​ൽ ന​ൽ​കി​യ കേ​സു​മാ​യി ബ​ന്ധ​പ്പെ​ട്ട വി​ശ​ദാം​ശ​ങ്ങ​ളാ​ണ്​ ഇ ഡി ശേ​ഖ​രി​ച്ച​ത്.

    Also Read – ‘നാളെ മാച്ചുണ്ട്, പ്രിയപ്പെട്ട മാധ്യമപ്രവർത്തകർ ഇത്‌ ഒരു അറിയിപ്പായി കാണക്കാക്കണം’; ഇഡി ചോദ്യം ചെയ്യലിനെ കുറിച്ച് പിവി അൻവർ

    2017ലാ​ണ്​ പ​രാ​തി കോ​ട​തി​യി​ൽ ന​ൽ​കി​യ​ത്. പി​ന്നീ​ട്​ അ​ന്വേ​ഷ​ണം ഊ​ർ​ജി​ത​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട്​​ ഹൈ​​ക്കോട​തി​യെ സ​മീ​പി​ച്ച​തി​നെ തു​ട​ർ​ന്ന്​ ക്രൈം​ബ്രാ​ഞ്ചി​നോ​ട്​ അ​ന്വേ​ഷി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ നി​ർ​ദേ​ശി​ച്ചി​രു​ന്നു. ക്രൈം​ബ്രാ​ഞ്ച്​ ര​ണ്ടു​ത​വ​ണ റി​പ്പോ​ർ​ട്ട്​ നൽകി. നി​ല​വി​ൽ സിജെ​എം കോ​ട​തി​യി​ലു​ള്ള ഈ ​കേ​സ്​ അ​വ​സാ​ന​ഘ​ട്ട​ത്തി​ലാ​ണ്. സ്വ​മേ​ധ​യാ ര​ജി​സ്റ്റ​ർ ചെ​യ്ത കേ​സി​ലാ​ണ്​ അ​ന്വേ​ഷ​ണം. ക്ര​ഷ​ർ വി​ൽ​പ​ന​യിൽ ക​ള്ള​പ്പ​ണ ഇ​ട​പാ​ട്​ ന​ട​ന്നി​ട്ടു​ണ്ടോ എ​ന്നാ​ണ്​ അ​ന്വേ​ഷി​ക്കു​ന്ന​ത്.

    Also Read- ‘മാപ്രകളോടാണ്, ഇന്ന് മാച്ച്‌ ചർച്ച ഒന്നുമില്ല; വെറുതെ കോലും ചുമന്ന് ഇ ഡി ഓഫീസിന്റെ തിണ്ണയിൽ പോയി നിൽക്കേണ്ട’: പി.വി. അൻവർ എംഎൽഎ

    ചോദ്യം ചെയ്യലിന് ഹാജരായ ആദ്യ ദിവസം പ്രതികരണം ആരാഞ്ഞ മാധ്യമങ്ങളോട് ഇന്ത്യ-പാകിസ്ഥാൻ ഫുട്ബോൾ കളി ചർച്ച ചെയ്യാൻ വന്നതാണെന്നായിരുന്നു അൻവർ പ്രതികരിച്ചത്. ഇത് വലിയ ചർച്ചകൾക്ക് വഴി വെച്ചിരുന്നു. ഇതിനു പിന്നാലെ പിവി അൻവറിന്റെ ഫെയ്സ്ബുക്കിലൂടെ പരിഹാസം നിറഞ്ഞ പോസ്റ്റുകളും വന്നിരുന്നു.

    Published by:Rajesh V
    First published: