അടച്ചിട്ട മുറിയിൽ വാദം കേൾക്കണം; കോടതിയിൽ പുതിയ ഹർജിയുമായി രാഹുൽ മാങ്കൂട്ടത്തിൽ

അതേസമയം, ആറാം ദിവസവും ഒളിവിൽ കഴിയുന്ന രാഹുലിനായി പോലീസ് വിവിധ സ്ഥലങ്ങളിൽ തിരച്ചിൽ നടത്തുകയാണ്. തിരുവനന്തപുരത്തെയും പാലക്കാട്ടെയും ഫ്ലാറ്റുകളിൽ വച്ച് ലൈംഗികമായി പീഡിപ്പിച്ചതിന്റെ തീയതി അടക്കമുള്ള വിശദാംശങ്ങൾ യുവതിയുടെ മൊഴിയിലുണ്ട്.

ബലാത്സംഗവുമായി ബന്ധപ്പെട്ട 4 വകുപ്പുകളും ഗർഭിണിയാണെന്നറിഞ്ഞിട്ടും പീഡിപ്പിച്ചെന്ന മൊഴിയുടെ അടിസ്ഥാനത്തിൽ അതുമായി ബന്ധപ്പെട്ട വകുപ്പും ചുമത്തിയാണ് കേസ്. താൻ നിരപരാധിയാണെന്ന് അവകാശപ്പെട്ട് കൂടുതൽ തെളിവുകൾ രാഹുൽ കോടതിയിൽ സമർപ്പിച്ചിട്ടുണ്ട്. യുവതിയുമായി നടത്തിയ വാട്സാപ് ചാറ്റുകൾ, ഫോൺ സംഭാഷണങ്ങൾ, യുവതിയും ഭർത്താവുമൊന്നിച്ചുള്ള ചിത്രങ്ങൾ എന്നിവയാണു രാഹുലിന്റെ അഭിഭാഷകൻ കോടതിക്ക് കൈമാറിയത്.

രാഹുൽ മാങ്കൂട്ടത്തിൽ എംഎൽഎയ്ക്ക് എതിരായ ലൈംഗികപീഡന കേസിൽ, എംഎൽഎ താമസിച്ചിരുന്ന കുന്നത്തൂർമേട് ഫ്ലാറ്റിലെ നിരീക്ഷണ ക്യാമറകളിലെ ദൃശ്യങ്ങൾ മായ്ച്ചുകളഞ്ഞോ എന്നതും അന്വേഷണ സംഘം പരിശോധിക്കുന്നു. കഴിഞ്ഞദിവസം ദൃശ്യങ്ങൾ ശേഖരിച്ചിരുന്നു. തമിഴ്നാട്ടിൽ ഒളിവിൽ കഴിയുന്നെന്ന വിവരത്തിന്റെ അടിസ്ഥാനത്തിൽ അവിടെയും പരിശോധന നടത്തുന്നുണ്ട്. ഇതിനിടെ കർണാടകത്തിലാണ് രാഹുൽ ഒളിവിലുള്ളതെന്നും റിപ്പോർട്ടുകൾ വന്നിരുന്നു.

Summary: Rahul Mamkootathil has filed a petition in the Thiruvananthapuram Sessions Court requesting that his anticipatory bail plea be considered in an in-camera (closed-door) setting. The new petition comes just ahead of the anticipatory bail plea scheduled to be considered on Wednesday. In his petition, Rahul requested that the hearing be kept confidential, citing the need for privacy.