ശബരിമല സ്വർണക്കൊള്ള കേസിൽ ദേവസ്വം ബോർഡ് മുൻ അംഗം എന് വിജയകുമാര് അറസ്റ്റില്
- Published by:Rajesh V
- news18-malayalam
Last Updated:
അറസ്റ്റിലായ വിജയകുമാർ നിലവിൽ സിപിഎം തിരുവല്ലം ഈസ്റ്റ് ലോക്കൽ കമ്മിറ്റി അംഗമാണ്
കൊച്ചി: ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് അംഗം എന് വിജയകുമാര് അറസ്റ്റില്. അറസ്റ്റിലായ ദേവസ്വം ബോർഡ് മുൻ പ്രസിഡന്റ് എ പത്മകുമാറിന്റെ ഭരണസമിതിയിലെ അംഗമാണ് വിജയകുമാര്. കൂട്ടുത്തരവാദിത്തമാണെന്ന പത്മകുമാറിന്റെ മൊഴി സാധൂകരിക്കുന്ന നടപടിയാണ് പ്രത്യേക അന്വേഷണ സംഘത്തിന്റെ അറസ്റ്റ്. നേരത്തെ വിജയകുമാറിന് എസ്ഐടി നോട്ടീസ് അയച്ചിരുന്നെങ്കിലും ഹാജരായിരുന്നില്ല. തുടര്ന്ന് വിജയകുമാറിനെ ഇന്ന് നേരിട്ട് കസ്റ്റഡിയിലെടുത്തതിന് പിന്നാലെ അറസ്റ്റ് രേഖപ്പെടുത്തുകയായിരുന്നു. അറസ്റ്റിലായ വിജയകുമാർ നിലവിൽ സിപിഎം തിരുവല്ലം ഈസ്റ്റ് ലോക്കൽ കമ്മിറ്റി അംഗമാണ്.
എ പത്മകുമാറിന്റെ കാലത്തെ ദേവസ്വം ബോര്ഡ് അംഗങ്ങളായിരുന്നു എന് വിജയകുമാറും കെ പി ശങ്കര്ദാസും. ഇരുവരുടെയും അറസ്റ്റ് നടത്താത്തതിനെതിരെ ഹൈക്കോടതി ചില വിമര്ശനങ്ങള് ഉന്നയിച്ചിരുന്നു. 2019ലെ ബോര്ഡ് മെമ്പര്മാരായ ശങ്കര്ദാസ്, എന് വിജയകുമാര് എന്നിവരെ എന്തിന് ഒഴിവാക്കിയെന്നും ഇവര്ക്കെതിരെ നടപടി എന്തുകൊണ്ട് എടുത്തില്ലെന്നും കോടതി ചോദിച്ചിരുന്നു. മറ്റ് പ്രതികളുടെ ജാമ്യപേക്ഷ തള്ളിക്കൊണ്ടാണ് കോടതിയുടെ പരാമര്ശം. ഇരുവരെയും മുന്പ് എസ്ഐടി ചോദ്യം ചെയ്തിരുന്നു.
താന് ഒരു തെറ്റും താന് ചെയ്തിട്ടില്ലെന്നും തീരുമാനങ്ങളെല്ലാം എടുത്തിരുന്നത് പത്മകുമാര് തനിയെയെന്നും വിജയകുമാര് പ്രതികരിച്ചു. സമ്മർദം താങ്ങാനായില്ലെന്നും വിജയകുമാര് പറഞ്ഞു. കുടുംബമാണ് അന്വേഷണ സംഘത്തിന് മുന്നില് ഹാജരാകാന് ആവശ്യപ്പെട്ടത്. മുന്കൂര് ജാമ്യ അപേക്ഷ പിന്വലിച്ച ശേഷം ക്രൈംബ്രാഞ്ച് ഓഫീസില് എത്തുകയായിരുന്നുവെന്നും വിജയകുമാര് പറഞ്ഞു.
advertisement
കോടതിയുടെ വിമര്ശനത്തിന് പിന്നാലെ അറസ്റ്റ് സാധ്യത മുന്കൂട്ടി കണ്ട് ഇരുവരും മുന്കൂര് ജാമ്യത്തിന് ശ്രമിച്ചിരുന്നു. ഇതിനിടെയാണ് വിജയകുമാറിന്റെ അറസ്റ്റ് രേഖപ്പെടുത്തിയത്.
കേസിൽ ഇതുവരെ അറസ്റ്റിലായവർ
സ്പോൺസർ ഉണ്ണകൃഷ്ണൻപോറ്റി, ദേവസ്വം ബോര്ഡ് മുന് അഡ്മിനിസ്ട്രേറ്റീവ് ഓഫീസര് മുരാരി ബാബു, മുന് എക്സിക്യുട്ടീവ് ഓഫീസര് ഡി സുധീഷ്കുമാര്, തിരുവാഭരണം മുൻ കമ്മീഷണർ കെ എസ് ബൈജു, മുന് ദേവസ്വം കമ്മീഷണറും പ്രസിഡന്റുമായിരുന്ന എന് വാസു, മുൻ ദേവസ്വം ബോർഡ് പ്രസിഡന്റ് എ പത്മകുമാർ, മുന് അഡ്മിനിസ്ട്രേറ്റീവ് ഓഫീസര് എസ് ശ്രീകുമാർ, സ്മാർട്ട് ക്രിയേഷൻസ് സിഇഒ പങ്കജ് ഭണ്ഡാരി, സ്വർണവ്യാപാരി ബെല്ലാരി ഗോവർധൻ, തിരുവിതാംകൂർ ദേവസ്വം ബോർഡ് മുൻ അംഗം എൻ വിജയകുമാർ.
advertisement
Summary: In the Sabarimala gold theft case, former Devaswom Board member N. Vijayakumar has been arrested. Vijayakumar was a member of the administrative committee led by former Devaswom Board president A. Padmakumar, who was also arrested earlier. The arrest by the Special Investigation Team is a step that validates Padmakumar’s statement about collective responsibility.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Dec 29, 2025 2:39 PM IST
മലയാളം വാർത്തകൾ/ വാർത്ത/Kerala/
ശബരിമല സ്വർണക്കൊള്ള കേസിൽ ദേവസ്വം ബോർഡ് മുൻ അംഗം എന് വിജയകുമാര് അറസ്റ്റില്
