സഞ്ജു സാംസൺ ബിജെപി സ്ഥാനാർത്ഥിയാകുമോ? മറുപടിയുമായി രാജീവ് ചന്ദ്രശേഖർ

'ഇത്തവണ സഞ്ജു സാംസൺ ബിജെപിക്കു വേണ്ടി മത്സരിക്കുന്നുണ്ടെന്ന് കേട്ടല്ലോ' എന്ന മാധ്യമപ്രവർത്തകന്റെ ചോദ്യത്തിന്, 'എന്നോട് ആരും ചോദിച്ചിട്ടില്ല, എനിക്കൊന്നുമറിയില്ല' എന്നായിരുന്നു രാജീവ് ചന്ദ്രശേഖറിന്റെ മറുപടി. കേരളത്തിലെ നിയമസഭാ തിരഞ്ഞെടുപ്പിനുള്ള ബിജെപി സ്ഥാനാർത്ഥികളുടെ ആദ്യ പട്ടികയ്ക്ക് ഈ മാസം അന്തിമരൂപമാകുമെന്ന് രാജീവ് ചന്ദ്രശേഖർ പറഞ്ഞു. 65-70 പേരാണ് പട്ടികയിലുണ്ടാവുക. 30നു മുൻപ് ഇത് ഡൽഹിയിലേക്ക് അയയ്ക്കും. വികസനത്തിന്റെ രാഷ്ട്രീയമാണ് ബിജെപി മുന്നോട്ടുവയ്ക്കുന്നതെന്നും അദ്ദേഹം പറഞ്ഞു.

‌അതേസമയം, സഞ്ജു സാംസൺ ന്യൂസീലൻഡിനെതിരായ ട്വന്റി20 പരമ്പരയ്ക്കുള്ള തയാറെടുപ്പിലാണ്. 21നാണ് ട്വന്റി20 പരമ്പര ആരംഭിക്കുന്നത്. 31നു പരമ്പരയിലെ അവസാന മത്സരം തിരുവനന്തപുരം കാര്യവട്ടം സ്റ്റേഡിയത്തിലാണ്. ഇതിനുശേഷം നടക്കുന്ന ട്വന്റി20 ലോകകപ്പിനുള്ള ഇന്ത്യൻ ടീമിലും സഞ്ജു അംഗമാണ്. കഴിഞ്ഞദിവസം തിരുവനന്തപുരം വിഴിഞ്ഞത്ത് നടന്ന സ്വന്തം നാട്ടിലെ പരിപാടിയിൽ സഞ്ജു പങ്കെടുത്തിരുന്നു. ഇതിന്റെ വീഡിയോ വൈറലാണ്.

Summary: Campaigns are circulating on social media and through some online news outlets suggesting that Indian cricket's Malayali superstar, Sanju Samson, might become a BJP candidate in the upcoming Assembly elections. However, BJP State President Rajeev Chandrasekhar has now come forward with a response to these queries. He addressed the matter during a press conference held in Delhi regarding the elections.