കാട്ടാക്കട ക്രിസ്ത്യൻ കോളേജിലെ തെരഞ്ഞെടുപ്പ് അട്ടിമറി; SFI ഏരിയാ സെക്രട്ടറി വിശാഖിനെ തെരഞ്ഞെടുക്കപ്പെട്ട സ്ഥാനങ്ങളിൽ നിന്ന് പുറത്താക്കി

കേരള സർവകലാശാല യൂണിയൻ തെരഞ്ഞെടുപ്പിൽ  ആൾമാറാട്ടം നടത്തിയെന്ന പരാതിയെ തുടര്‍ന്ന് ആരോപണവിധേയനായ എസ്എഫ്ഐ കാട്ടാക്കട ഏരിയാ സെക്രട്ടറി വിശാഖിനെ തെരഞ്ഞെടുക്കപ്പെട്ട സ്ഥാനങ്ങളിൽ നിന്ന് പുറത്താക്കിയെന്ന് എസ്എഫ്ഐ സംസ്ഥാന നേതൃത്വം . കാട്ടാക്കട ക്രിസ്ത്യൻ കോളേജിൽ നിന്ന് ജയിച്ചയാളെ വെട്ടി SFI നേതാവിനെ തിരികെ കയറ്റാൻ ആണ് ശ്രമം നടന്നത് . യൂണിവേഴ്സിറ്റി യൂണിയൻ തെരഞ്ഞെടുപ്പിന് പ്രിൻസിപ്പൽ നൽകിയ പട്ടികയിലാണ് ക്രമക്കേട്. എസ്എഫ്ഐ നേതൃത്വത്തിന്റെ അറിവോടെ അല്ല ക്രമക്കേടെന്നാണ് ജില്ലാ നേതൃത്വത്തിന്റെ വിശദീകരണം. ആൾമാറാട്ടം നടന്നിട്ടില്ലെന്ന് വിശദീകരിച്ച് കോളജ് അധികൃതരും രംഗത്തെത്തി. വിവാദത്തിന്റെ പശ്ചാത്തലത്തിൽ കേരള സർവകലാശാല യൂണിയൻ തെരഞ്ഞെടുപ്പ് മാറ്റിവച്ചു.