ശബരിമലയിൽ വിഷയം തുല്യതയല്ല; വിശ്വാസം: ശശി തരൂർ
Last Updated:
കോഴിക്കോട് : ശബരിമലയിൽ വിഷയം തുല്യതയല്ലെന്നും വിശ്വാസമാണെന്നും ശശി തരൂർ എംപി. അവിടുത്തെ പ്രതിഷ്ഠയുടെ സ്വഭാവം പരിഗണിക്കുന്നതിനാലാണ് യുവതീ പ്രവേശനത്തെ അനുകൂലിക്കാത്തതെന്നും അദ്ദേഹം വ്യക്തമാക്കി. കോഴിക്കോട് നടക്കുന്ന കേരള ലിറ്ററേച്ചർ ഫെസ്റ്റിവലിൽ സംസാരിക്കവെയാണ് ശബരിമല വിഷയത്തിൽ തരൂർ തന്റെ നിലപാട് ആവർത്തിച്ചത്.
കന്യാകുമാരി ദേവീക്ഷേത്രത്തിൽ പുരുഷൻമാർ പ്രവേശിക്കാനേ പാടില്ലെന്നാണ് തന്റെ നിലപാട്. ഇതൊന്നും തുല്യതയുടെ വിഷയമല്ല. വിശ്വാസപരമായ കാര്യമാണ്. ലോകത്തൊിടത്തും കത്തോലിക്കാ സഭയിൽ വനിതാ പുരോഹിതരില്ലെന്ന കാര്യവും കോൺഗ്രസ് നേതാവ് ചൂണ്ടിക്കാട്ടി.
ശബരിമല വിഷയം തെരുവിൽ ആക്രമമുണ്ടാക്കാനായി ഉപയോഗപ്പെടുത്തിയെന്ന് സംഘപരിവാറിനെതിരെയും തരൂർ വിമർശനം ഉന്നയിച്ചു. ഭരണഘടനാപരമായി പരിഹരിക്കേണ്ട വിഷയമാണ് അക്രമമുണ്ടാക്കാനായി ഉപയോഗപ്പെടുത്തിയത്. കോൺഗ്രസിന്റെ ഹിന്ദു വോട്ടുകൾ ബിജെപിക്ക് പോകട്ടെയെന്ന് ദുഷ്ടലാക്ക് സിപിഎമ്മിനുണ്ടെന്ന ആരോപണവും ശശി തരൂർ ഉന്നയിച്ചിട്ടുണ്ട്.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 12, 2019 10:54 AM IST
