'ശബരിമലയിൽ എത്തിയെന്ന വാർത്ത തെറ്റ്': തൃപ്തി ദേശായി
Last Updated:
പുനെ: ശബരിമലയിൽ താൻ എത്തിയെന്ന വാർത്തകൾ തെറ്റാണെന്ന് ഭൂമാത ബ്രിഗേഡ് നേതാവ് തൃപ്തി ദേശായി. താൻ ഇപ്പോൾ പുനെയിലാണ് ഉള്ളതെന്നും മറിച്ചുള്ള വാർത്തകൾ തെറ്റാണെന്നും അവർ പറഞ്ഞു. ശബരിമലയിൽ സ്ത്രീകൾ കയറുന്നതിനെ എതിർക്കുന്നവരാണ് വ്യാജ വാർത്തകൾ പ്രചരിപ്പിക്കുന്നതെന്നും തൃപ്ചി ദേശായി ന്യൂസ് 18നോട് പറഞ്ഞു.
സന്നിധാനത്ത് യുവതികൾ പ്രവേശിച്ചെന്നും ലക്ഷ്യം അവർ നേടിയതായും തൃപ്തി ദേശായി പറഞ്ഞു. ഈ സീസണിൽ തന്നെ തൃപ്തി സന്നിധാനത്ത് എത്തുമെന്നും തൃപ്തി സന്നിധാനത്ത് എത്തിയെന്നുമെല്ലാം വാർത്തകൾ പ്രചരിച്ചിരുന്നു. ഇത് നിഷേധിച്ചാണ് ഇവർ രംഗത്തെത്തിയത്.
സുപ്രീംകോടതി വിധി വന്നതിനു പിന്നാലെ ശബരിമലയിൽ പ്രവേശിക്കാൻ തൃപ്തി കേരളത്തിൽ എത്തിയിരുന്നെങ്കിലും പ്രതിഷേധത്തെ തുടർന്ന് നെടുമ്പാശ്ശേരി വിമാനത്താവളത്തിൽ നിന്ന് പുറത്തു കടക്കാൻ അവർക്ക് കഴിഞ്ഞിരുന്നില്ല. തുടർന്ന്, അവർ ശബരിമല യാത്ര ഒഴിവാക്കി മടങ്ങി പോയിരുന്നു.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 12, 2019 8:24 AM IST
