കൊല്ലം തേവലക്കരയിൽ വിദ്യാര്‍ഥി ഷോക്കേറ്റു മരിച്ച സംഭവം; കെഎസ്ഇബിക്കു വീഴ്ച സംഭവിച്ചെന്ന് സമ്മതിച്ച് വൈദ്യുതി മന്ത്രി കെ.കൃഷ്ണന്‍കുട്ടി

കൊല്ലം തേവലക്കരയിൽ മിഥുൻ എന്ന എട്ടാം ക്ളാസ് വിദ്യാര്‍ഥി ഷോക്കേറ്റു മരിച്ച സംഭവത്തിൽ കെഎസ്ഇബിക്കു വീഴ്ച സംഭവിച്ചിട്ടുണ്ടെന്ന് സമ്മതിച്ച് വൈദ്യുതി മന്ത്രി കെ.കൃഷ്ണന്‍കുട്ടി. വൈദ്യുതി ലൈൻ താഴ്ന്ന് കിടന്ന കാര്യം ശ്രദ്ധിക്കുന്നിതിൽ വീഴ്ച പറ്റിയെന്ന് പ്രാഥമിക അന്വേഷണ റിപ്പോർട്ടിൽ പറയുന്നുണ്ടെന്നും ലൈൻ താഴ്ന്ന് കിടന്നത് സ്‌കൂള്‍ അധികൃതരെയും തദ്ദേശസ്ഥാപനങ്ങളെയും അറിയിക്കുക എന്ന ഉത്തരവാദിത്വം കെഎസ്ഇബിക്ക് ഉണ്ടായിരുന്നു എന്നും എന്നാൽ അതറിയിക്കുന്നതിൽ വീഴ്ച സംഭവിച്ചിട്ടുണ്ടെന്നും മന്ത്രി പറഞ്ഞു. സംഭവത്തിന്റെ പശ്ചാത്തലത്തിൽ സംസ്ഥാനത്താകെ ലൈന്‍ പട്രോളിങ് നടത്തി സുരക്ഷാ നടപടികള്‍ സ്വീകരിക്കണമെന്ന് വൈദ്യുതി ബോര്‍ഡിനു നിര്‍ദേശം നല്‍കിയതായും മന്ത്രി അറിയിച്ചു.