കടൽക്കരയിലെ രാജകീയ സമൃദ്ധി: കോവളം കൊട്ടാരം

ചരിത്രവും സൗന്ദര്യവും ചേർന്ന തിരുവനന്തപുരത്തെ കോവളത്ത് സ്ഥിതി ചെയ്യുന്ന ഹാൽസിയോൺ കാസിൽ, കേരളത്തിൻ്റെ സമ്പന്നമായ ചരിത്രത്തിൻ്റെയും വാസ്തുവിദ്യയുടെയും മകുടോദാഹരണമാണ്. കോവളം കൊട്ടാരം എന്നും ഇത് അറിയപ്പെടുന്നു. കേരളത്തിൻ്റെ കടൽത്തീര സൗന്ദര്യത്തിന് മാറ്റു കൂട്ടുന്ന ഈ കൊട്ടാരം ഒരുകാലത്ത് തിരുവിതാംകൂർ രാജകുടുംബത്തിൻ്റെ വേനൽക്കാല വസതിയായിരുന്നു.1932-ൽ രാമവർമ്മ വലിയ കോയിതമ്പുരാൻ്റെ നിർദ്ദേശപ്രകാരമാണ് ഈ കൊട്ടാരം നിർമ്മിച്ചത്. അദ്ദേഹത്തിൻ്റെ കുടുംബത്തിനുള്ള വിശ്രമ കേന്ദ്രമായാണ് ഇത് പണികഴിപ്പിച്ചത്.