ഓർക്കാപ്പുറത്ത് ആഞ്ഞടിച്ച ഉരുൾപൊട്ടലിനെ അതിജീവിച്ച  ഊരിൻ്റെ കഥ

2001 നവംബർ 9ന് കേരളം അന്നോളം കണ്ട ഏറ്റവും വലിയ ഉരുൾപൊട്ടലിനാണ് തിരുവനന്തപുരത്തെ അമ്പൂരി എന്ന ഗ്രാമം സാക്ഷിയായത്. അമ്പൂരി എന്ന മലയോര ഗ്രാമം ഒന്നടങ്കം ആ ദുരന്തത്തിന്റെ രാക്ഷസ തിരമാലകളിൽ അലിഞ്ഞുചേർന്നു. അന്ന് ജീവൻ നഷ്ടമായത് 39 പേർക്കാണ്. എന്നാൽ ദുരന്തത്തിൻ്റെ ഓർമ്മകൾ മാഞ്ഞ് തിരുവനന്തപുരത്തിന്റെ ഭൂപടത്തിൽ പുതിയ പേര് ചേർക്കുകയാണ് ഈ കുഞ്ഞു ഗ്രാമം. അതൊരിക്കലും നൊമ്പരപ്പെടുത്തുന്ന ഓർമ്മകളുടെതല്ല. തിരുവനന്തപുരത്തെ അറിയപ്പെടുന്ന വിനോദസഞ്ചാര കേന്ദ്രം എന്ന ഖ്യാതിയിലേക്കാണ് അമ്പൂരി ഉയർന്നത്. ദുരന്തമുഖങ്ങളിൽ വീണുപോകുന്ന ഓരോ നാടിനും പ്രതീക്ഷയാണ് അമ്പൂരിയുടെ ഈ തിരിച്ചുവരവ്.