ഓണം ഓർമ്മകളിൽ ഇന്നും നിറയുന്ന ഒരു പഴയ സിനിമാ തിയേറ്റർ 

വർഷങ്ങൾക്കു മുൻപ് ഓണക്കാലങ്ങളിൽ ഈ തീയറ്ററിൽ എത്തി സിനിമ കാണുന്നത് ഒരു നാടിൻ്റെ പതിവായി മാറിയിരുന്നു. ഇപ്പോൾ കല്യാണമണ്ഡപമായി മാറിയ ശരവണ തീയേറ്ററിലാണ് പോയ കാലത്തിൻ്റെ ഓണകഥകൾ പറയാൻ ഉള്ളത്. ഓണക്കാലത്ത് വീട്ടിൽ വിരുന്നെത്തുന്ന ബന്ധുക്കളോടൊപ്പം ഇവിടെയെത്തി ഒരു സിനിമ എന്നത് പറഞ്ഞു പറഞ്ഞു പഴകിയ പതിവായിരുന്നു പലർക്കും.

കാലത്തിനൊപ്പം പിടിച്ചുനിൽക്കാൻ ആകാതെ മറ്റു പല സിനിമാ തിയറ്ററുകളും പോലെ ശരവണയും സിനിമയോട് വിടപറഞ്ഞു. ഇപ്പോൾ കല്യാണമണ്ഡപമായി ഒതുങ്ങിയിരിക്കുകയാണ് ഈ തിയേറ്റർ. എങ്കിലും ഓണക്കാലം ആകുന്നതോടുകൂടി സോഷ്യൽ മീഡിയകളിൽ ഒക്കെ നാട്ടുകാർ ഈ തീയറ്ററുമായി ബന്ധപ്പെട്ട ഓർമ്മകൾ പങ്കുവയ്ക്കാറുണ്ട്. അങ്ങനെ തീയറ്ററും ഓണക്കഥകളും വീണ്ടും സജീവമായി നിറയും.