മികവുത്സവം: ഗവ. ജി. വി. രാജ സ്പോർട്സ് സ്കൂളിന് അഭിമാന നിമിഷം
- Published by:Gouri S
- local18
- Reported by:Athira Balan A
Last Updated:
കായിക പരിശീലനത്തോടൊപ്പം പഠനത്തിനും തുല്യ പ്രാധാന്യം നൽകുന്ന സമീപനമാണ് സ്കൂളിൻ്റെ നേട്ടങ്ങൾക്ക് പിന്നിൽ.
കായിക രംഗത്തും അക്കാദമിക് രംഗത്തും ഒരുപോലെ മികവ് തെളിയിച്ച ഗവ. ജി. വി. രാജ സ്പോർട്സ് വൊക്കേഷണൽ ഹയർസെക്കൻഡറി സ്കൂൾ മികവുത്സവത്തിൻ്റെ ഭാഗമായി സംഘടിപ്പിച്ച ചടങ്ങിൽ കായിക കിറ്റ് വിതരണവും കായിക പ്രതിഭകളെ ആദരിക്കലും നടന്നു. ബഹുമാനപ്പെട്ട കായിക, വഖഫ്, ഹജ്ജ് തീർത്ഥാടനം, റെയിൽവേ, ന്യൂനപക്ഷ ക്ഷേമ വകുപ്പ് മന്ത്രി വി. അബ്ദുറഹിമാൻ ചടങ്ങ് ഉദ്ഘാടനം ചെയ്തു. ജി. സ്റ്റീഫൻ എം.എൽ.എ. ചടങ്ങിൽ അധ്യക്ഷനായിരുന്നു.
കായിക മികവിൽ മാത്രമല്ല, അക്കാദമിക് രംഗത്തും സ്കൂൾ മികച്ച വിജയം കൊയ്തിട്ടുണ്ട്. കഴിഞ്ഞ നാല് വർഷമായി തുടർച്ചയായി 100% വിജയം നേടാൻ സ്കൂളിന് സാധിച്ചത് ഈ സ്ഥാപനത്തിൻ്റെ വിദ്യാഭ്യാസ നിലവാരത്തിന് തെളിവാണ്.
കായിക പരിശീലനത്തോടൊപ്പം പഠനത്തിനും തുല്യ പ്രാധാന്യം നൽകുന്ന സമീപനമാണ് സ്കൂളിൻ്റെ ഈ നേട്ടങ്ങൾക്ക് പിന്നിൽ. ചടങ്ങിൽ സ്കൂൾ അധ്യാപകർ, ജനപ്രതിനിധികൾ, രാഷ്ട്രീയ-സാമൂഹിക-സാംസ്കാരിക മേഖലകളിലെ പ്രമുഖർ തുടങ്ങിയ നിരവധി പേർ പങ്കെടുത്തു. കായിക താരങ്ങളെ പ്രോത്സാഹിപ്പിക്കുന്നതിനും സ്കൂളിൻ്റെ പ്രവർത്തനങ്ങൾക്ക് പിന്തുണ നൽകുന്നതിനും ഈ പരിപാടി സഹായകമായി. ഗവ. ജി. വി. രാജ സ്പോർട്സ് സ്കൂൾ കായിക കേരളത്തിൻ്റേയും വിദ്യാഭ്യാസ മേഖലയുടേയും അഭിമാനമായി കൂടുതൽ ഉയരങ്ങളിലെത്തട്ടെയെന്ന് എംഎൽഎ ആശംസിച്ചു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
July 07, 2025 1:08 PM IST
മലയാളം വാർത്തകൾ/ വാർത്ത/Thiruvananthapuram/
മികവുത്സവം: ഗവ. ജി. വി. രാജ സ്പോർട്സ് സ്കൂളിന് അഭിമാന നിമിഷം
