നിത്യഹരിത നായകൻ്റെ പ്രതിമ ജന്മനാട്ടിൽ അനാച്ഛാദനം ചെയ്തു, പ്രേംനസീറിൻ്റെ സ്മരണാർത്ഥം ഓപ്പൺ സ്റ്റേജും ഒരുങ്ങുന്നു

മലയാളത്തിൻ്റെ നിത്യഹരിത നായകനായ പത്മഭൂഷൺ പ്രേംനസീറിൻ്റെ സ്മരണാർത്ഥം അദ്ദേഹത്തിൻ്റെ ജന്മനാടായ ചിറയിൻകീഴിൽ സ്മാരക ഓപ്പൺസ്റ്റേജ് ഒരുങ്ങുന്നു. ചിറയിൻകീഴ് ബ്ലോക്ക് പഞ്ചായത്ത് കാര്യാലയത്തിൽ നിർമ്മിക്കുന്ന പത്മഭൂഷൺ പ്രേംനസീർ സ്മാരക ഓപ്പൺസ്റ്റേജിൻ്റെ നിർമ്മാണോദ്ഘാടനവും പ്രേംനസീർ പ്രതിമ അനാച്ഛാദനവും വി. ശശി എം.എൽ.എ. നിർവഹിച്ചു. പ്രേംനസീർ എന്ന മഹാനടനോടുള്ള ആദരസൂചകമായി അദ്ദേഹത്തിൻ്റെ ജന്മനാടായ ചിറയിൻകീഴിൽ നിലവിൽ കാര്യമായ മറ്റ് സ്മാരകങ്ങളൊന്നും ഇല്ലാത്ത സാഹചര്യത്തിലാണ് ബ്ലോക്ക് പഞ്ചായത്തിൻ്റെ ഈ ശ്രദ്ധേയമായ നടപടി.