advertisement

ഐശ്വര്യദായിനിയായി ആലംപാറ അമ്മ; നന്ദിയോട് ആലംപാറ ദേവിക്ഷേത്ര മഹോത്സവത്തിന് തുടക്കമായി

Last Updated:

തിരുവനന്തപുരം നന്ദിയോട് ആലംപാറ ദേവിക്ഷേത്രത്തിലെ 10 ദിവസം നീണ്ടുനിൽക്കുന്ന വാർഷിക ഉത്സവ വിശേഷങ്ങൾ.

ക്ഷേത്രം 
ക്ഷേത്രം 
തിരുവനന്തപുരം ജില്ലയിലെ പാലോടിനടുത്തുള്ള നന്ദിയോട് ഗ്രാമത്തിലെ പുണ്യസങ്കേതമാണ് നൂറ്റാണ്ടുകൾ പഴക്കമുള്ള നന്ദിയോട് ആലംപാറ ദേവിക്ഷേത്രം. ഐശ്വര്യത്തിൻ്റെയും സംരക്ഷണത്തിൻ്റെയും മാതൃരൂപമായ ശ്രീ ഭദ്രകാളി ദേവിയെ 'ആലംപാറ അമ്മ'യായി ഇവിടെ ഭക്തർ ആരാധിക്കുന്നു.
പ്രധാന പ്രതിഷ്ഠയായ ഭദ്രകാളിക്ക് പുറമെ ശ്രീകൃഷ്ണൻ, ശിവൻ, നാഗരാജാവ്, നാഗയക്ഷി, നാഗകന്യക എന്നീ ഉപദേവന്മാരുടെ സാന്നിധ്യവും ഈ ക്ഷേത്രത്തെ കൂടുതൽ പവിത്രമാക്കുന്നു. നന്ദിയോട് ദേശത്തിൻ്റെ കാവൽദൈവമായ ആലംപാറ അമ്മയുടെ അനുഗ്രഹം തേടി ദൂരദേശങ്ങളിൽ നിന്നുപോലും നിരവധി ഭക്തരാണ് നിത്യേന ക്ഷേത്രത്തിലെത്തുന്നത്.
എസ്.എൻ.ഡി.പി. നന്ദി നഗർ ശാഖയുടെ ഭരണത്തിന് കീഴിലാണ് ഈ ക്ഷേത്രം നിലകൊള്ളുന്നത്. ക്ഷേത്രത്തിലെ ഏറ്റവും പ്രധാനപ്പെട്ട വാർഷിക ആഘോഷമായ ക്ഷേത്ര ഉത്സവം 10 ദിവസങ്ങളിലായാണ് നടക്കുന്നത്. തൃക്കൊടിയേറ്റിന് ശേഷം ദേവിയെ കാപ്പുകെട്ടി കുടിയിരുത്തുന്നതോടെ ചടങ്ങുകൾക്ക് തുടക്കമാകും. ഉത്സവനാളുകളിൽ ക്ഷേത്രമുറ്റത്ത് ഭദ്രകാളിയുടെ ചരിത്രം വിളിച്ചോതുന്ന തോറ്റംപാട്ടുകൾ ആലപിക്കുന്നു. ഇതിൽ ദേവിയുടെ തൃക്കല്യാണം വർണ്ണിക്കുന്ന 'മാലപ്പുറം പാട്ട്' പാടുമ്പോൾ നടത്തുന്ന മാലവയ്പ്പ് ചടങ്ങ് ഏറെ പ്രസിദ്ധമാണ്. കൂടാതെ, ദേവി പാലകനെ ഉയിർത്തെഴുന്നേൽപ്പിക്കുന്ന സങ്കല്പത്തിലുള്ള ചടങ്ങുകളും ഉത്സവത്തിന് മാറ്റുകൂട്ടുന്നു.
advertisement
പത്ത് ദിവസം നീണ്ടുനിൽക്കുന്ന ആഘോഷങ്ങൾ അനിഴം നക്ഷത്രത്തിൽ പള്ളിവേട്ടയോടും തിരുആറാട്ടോടും കൂടി സമാപിക്കും. മഹോത്സവത്തിൻ്റെ അവസാന ദിനങ്ങളിൽ നടക്കുന്ന പൊങ്കാലയും വില്ലിൽ തൂക്കവുമാണ് നാടിൻ്റെ നാനാഭാഗങ്ങളിൽ നിന്നുള്ള ജനങ്ങളെ ആകർഷിക്കുന്ന പ്രധാന ചടങ്ങുകൾ. ആയുരാരോഗ്യ സൗഖ്യത്തിനായി ആയിരക്കണക്കിന് സ്ത്രീകളാണ് ക്ഷേത്രത്തിൽ പൊങ്കാല അർപ്പിക്കുന്നത്.
ഗരുഡൻ തൂക്കത്തിൻ്റെ വകഭേദമായ വില്ലിൽ തൂക്കം കുട്ടികളുടെ സംരക്ഷണത്തിനും ദമ്പതികൾക്ക് പുത്രലാഭത്തിനുമായി നടത്തുന്ന സവിശേഷമായ ഒരു വഴിപാടാണ്. കുത്തിയോട്ടം, താലപ്പൊലി ഘോഷയാത്ര, പൂത്തിരിമേളം എന്നിവ ഉത്സവത്തിന് വർണ്ണാഭമായ പരിസമാപ്തി കുറിക്കുന്നു.
Click here to add News18 as your preferred news source on Google.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
മലയാളം വാർത്തകൾ/ വാർത്ത/Thiruvananthapuram/
ഐശ്വര്യദായിനിയായി ആലംപാറ അമ്മ; നന്ദിയോട് ആലംപാറ ദേവിക്ഷേത്ര മഹോത്സവത്തിന് തുടക്കമായി
Next Article
advertisement
സർക്കാരിന് തിരിച്ചടി; നവകേരള സർവേ റദ്ദാക്കി ഹൈക്കോടതി
സർക്കാരിന് തിരിച്ചടി; നവകേരള സർവേ റദ്ദാക്കി ഹൈക്കോടതി
  • നവകേരള സർവേയ്ക്ക് ബജറ്റ് വകയിരുത്തലോ ധനകാര്യ അനുമതിയോ ഇല്ലെന്ന് ഹൈക്കോടതി കണ്ടെത്തി

  • സർക്കാരിന്റെ പദ്ധതി നിയമവിരുദ്ധമാണെന്ന് ഹൈക്കോടതി വിധി, ഇടതുമുന്നണിയുടെ അജണ്ടയ്ക്ക് തിരിച്ചടി

  • സർവേയിൽ സിപിഎം പ്രവർത്തകരുടെ പങ്ക്, സർക്കാർ സംവിധാനങ്ങൾ ദുരുപയോഗം ചെയ്തുവെന്ന ആരോപണം ശക്തം

View All
advertisement