ശബരിമല ദർശനത്തിനായി ഇത്തവണ രജിസ്റ്റർ ചെയ്ത യുവതികൾ 7564
Last Updated:
ശബരിമലയിൽ 51 യുവതികൾ ദർശനം നടത്തിയതിന് ഡിജിറ്റൽ രേഖകൾ ഉണ്ടെന്നും സർക്കാർ കോടതിയെ അറിയിച്ചു.
ന്യൂഡൽഹി: ഓൺലൈൻ സംവിധാനം മുഖേന ഇത്തവണ ശബരിമല ദർശനത്തിനായി രജിസ്റ്റർ ചെയ്തത് 7564 യുവതികൾ. ഡി ജി പി സുപ്രീംകോടതിയിൽ സമർപ്പിക്കാൻ തയ്യാറാക്കിയ കുറിപ്പിലാണ് ഇക്കാര്യങ്ങൾ വ്യക്തമാക്കുന്നത്. ശബരിമലയിൽ 51 യുവതികൾ ദർശനം നടത്തിയതിന് ഡിജിറ്റൽ രേഖകൾ ഉണ്ടെന്നും സർക്കാർ കോടതിയെ അറിയിച്ചു.
ശബരിമല ദർശനത്തിനായി 16 ലക്ഷം പേരാണ് ഓൺലൈൻ ആയി രജിസ്റ്റർ ചെയ്തത്. ഇതിൽ തന്നെ 10 വയസിനും 50 വയസിനും ഇടയിൽ പ്രായമുള്ള 7564 വനിതകളാണ് രജിസ്റ്റർ ചെയ്തത്. രജിസ്റ്റർ ചെയ്തതിൽ 8.2 ലക്ഷം ആളുകൾ ദർശനം നടത്തി. ഡിജിറ്റൽ സ്കാൻ ചെയ്ത രേഖകൾ പ്രകാരം 10നും 50നും ഇടയിൽ പ്രായമുള്ള 51 യുവതികൾ ഒരു വിഷമവും ഇല്ലാതെ ക്ഷേത്രത്തിൽ ദർശനം നടത്തിയിട്ടുണ്ട്.
advertisement
അതേസമയം, സാധാരണ തീർഥാടകർ ഓൺലൈൻ സൗകര്യം ലഭ്യമാക്കാതെ വന്നിട്ടുണ്ട്. അവരുടെ വിവരം ഈ പട്ടികയിൽ ഉൾപ്പെടില്ല.
സന്ദർശിച്ച യുവതികളുടെ പേര്, വിലാസം, ആധാർ നമ്പർ എന്നിവ സഹിതമാണ് സർക്കാർ കോടതിയിൽ സമർപ്പിക്കാൻ തയ്യാറാക്കിയ പട്ടിക
2018 നവംബർ 11 മുതൽ 44 ലക്ഷം ഭക്തർ ശബരിമലയിൽ ദർശനം നടത്തിയെന്നാണ് കണക്കുകൾ.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 18, 2019 3:33 PM IST
