തൃപ്തിയുടെ മടക്കം 9.25നുള്ള എയർ ഇന്ത്യ വിമാനത്തിൽ
Last Updated:
കൊച്ചി: ശബരിമല ദർശനത്തിനായി കൊച്ചിയിലെത്തിയ ഭൂമാതാ ബ്രിഗേഡ് നേതാവ് തൃപ്തി ദേശായി പ്രതിഷേധത്തെ തുടർന്നു മടങ്ങുന്നു. നെടുമ്പാശ്ശേരി വിമാനത്താവളത്തിൽ നിന്ന് രാത്രി 9.25നുള്ള എയർ ഇന്ത്യാ വിമാനത്തിലാണ് തൃപ്തിയും ഒപ്പമുള്ള ആറു വനിതകളും മടങ്ങുക. രാത്രി 11.30ന് ഇവർ മുംബൈ ഛത്രപതി ശിവജി വിമാനത്താവളത്തിലെത്തും. തൃപ്തിയെ കൂടാതെ മനിഷ തിലേകർ, മീനാക്ഷി രാമചന്ദ്ര ഷിൻഡേ, സ്വാതി കിഷന്റാവു, സവിത ജഗന്നാഥ് റാവത്ത്, സംഗീത, ലക്ഷ്മി ഭാനുദാസ് മൊഹിതെ എന്നിവരാണ് രാവിലെ കൊച്ചിയിലെത്തിയത്.
രാവിലെ 4.30 നാണ് തൃപ്തിയും സുഹൃത്തുക്കളും കൊച്ചി വിമാനത്താവളത്തില് എത്തിയത്. എന്നാല് പ്രതിഷേധങ്ങളെ തുടര്ന്ന് പുറത്തിറങ്ങാനായില്ല. ഇവരെ കാര്യങ്ങള് ബോധ്യപ്പെടുത്തി മടക്കി അയയ്ക്കാന് തഹസീല്ദാരും പൊലീസും ശ്രമിച്ചിരുന്നെങ്കിലും ദര്ശന ആവശ്യത്തില് അവര് ഉറച്ചുനില്ക്കുകയായിരുന്നു. എന്നാല് താമസ സൗകര്യവും വാഹനവും ഒരുക്കിയാല് സുരക്ഷ നല്കാമെന്ന് പൊലീസ് അറിയിച്ചു. ഇതിനു പിന്നാലെയാണ് വൈകിട്ട് ആറോടെ മടങ്ങുകയാണെന്ന് തൃപ്തി അറിയിച്ചത്.
advertisement
കൊച്ചി വിമാനത്താവളത്തിലെ നിരോധിത മേഖലയില് പ്രതിഷേധം സംഘടിപ്പിച്ചതിന് 250 പേര്ക്കെതിരെ പൊലീസ് കേസെടുത്തു. തൃപ്തിക്കെതിരെ യുവമോർച്ചയും പൊലീസിന് പരാതി നൽകിയിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Nov 16, 2018 7:30 PM IST
