കൊച്ചിയിൽ കാർ പുഴയിലേക്ക് മറിഞ്ഞ് രണ്ട് ഡോക്ടർമാർ മരിച്ചു; മൂന്നുപേരെ രക്ഷപ്പെടുത്തി

രാത്രി 12.30 ഓടെ അഞ്ചുപേര്‍ സഞ്ചരിച്ച കാര്‍ ഗോതുരുത്ത് കടവാ തുരുത്ത് പുഴയില്‍ വീണാണ് അപകടം. ഹോളിക്രോസ് പള്ളിക്ക് സമീപം പിഡബ്ല്യൂഡി റോഡ് അവസാനിക്കുന്ന ഭാഗത്താണ് അപകടമുണ്ടായത്. ഈ സമയത്ത് ശക്തമായ മഴ പെയ്തിരുന്നു. നല്ല ഒഴുക്കായിരുന്നതിനാല്‍ രക്ഷാപ്രവര്‍ത്തനം ദുഷ്‌കരമായിരുന്നു. ഏറെനേരം കഴിഞ്ഞാണ് കാര്‍ കണ്ടെത്താനായത്.

Also Read- Kochi Accident| സഞ്ചരിച്ചത് ഗൂഗിൾ മാപ്പ് നോക്കി; കാർ പുറത്തെടുത്തത് ഒന്നരമണിക്കൂറിനുശേഷം

നാല് ഡോക്ടര്‍മാരും ഒരു നഴ്‌സുമാണ് കാറിലുണ്ടായിരുന്നത്. ഗൂഗിള്‍ മാപ്പ് ഇട്ടാണ് ഇവര്‍ വാഹനം ഓടിച്ചത് എന്നാണ് പുറത്തുവരുന്ന വിവരം. നാട്ടുകാരാണ് മൂന്നുപേരെ രക്ഷപ്പെടുന്നതിയത്. ഒന്നര മണിക്കൂറിനുശേഷമാണ് ഫയര്‍ഫോഴ്‌സും നാട്ടുകാരുംചേര്‍ന്ന് കാര്‍ കണ്ടെത്തി പുറത്തെടുത്തത്