കേരളം പിടിക്കാൻ ബിജെപി; ആഭ്യന്തര മന്ത്രി അമിത് ഷാ രണ്ടു ദിവസം തിരുവനന്തപുരത്ത്

തിരുവനന്തപുരം: കേന്ദ്ര ആഭ്യന്തര മന്ത്രി അമിത് ഷാ ശനിയാഴ്ച രാത്രി തലസ്ഥാനത്തെത്തും. പ്രത്യേക വിമാനത്തിലാണ് തിരുവനന്തപുരം എയർപോർട്ടിൽ എത്തുക. ഞായറാഴ്ച രാവിലെ പത്തരയ്ക്ക് പദ്മനാഭസ്വാമി ക്ഷേത്രത്തിൽ അദ്ദേഹം ദർശനം നടത്തും. തുടർന്ന് 11 മണിക്ക് കവടിയാർ ഉദയ് പാലസ് കൺവൻഷൻ സെന്ററിൽ വെച്ച് നടക്കുന്ന ബി.ജെ.പി ജനപ്രതിനിധി സമ്മേളനം ഉദ്ഘാടനം ചെയ്യും. വൈകിട്ട് മൂന്ന് മണിക്ക് കേരള കൗമുദി സംഘടിപ്പിക്കുന്ന കോൺക്ലേവ് ഉദ്ഘാടനം ചെയ്യുന്ന അദ്ദേഹം, തുടർന്ന് എൻ.ഡി.എ നേതൃയോഗത്തിലും ബി.ജെ.പി സംസ്ഥാന കോർ കമ്മിറ്റി യോഗത്തിലും പങ്കെടുക്കും. രാജീവ് ചന്ദ്രശേഖർ, വി. മുരളീധരൻ, കെ. സുരേന്ദ്രൻ, ശോഭാ സുരേന്ദ്രൻ തുടങ്ങിയ പ്രമുഖ നേതാക്കൾ ഈ യോഗങ്ങളിൽ പങ്കെടുക്കും. ഞായറാഴ്ച വൈകിട്ട് ഏഴ് മണിയോടെ അദ്ദേഹം ഡൽഹിയിലേക്ക് മടങ്ങും.