'വന്ദേമാതരം അടിച്ചേൽപ്പിക്കരുത്; കേന്ദ്ര നീക്കം മതസ്വാതന്ത്ര്യത്തിന്മേലുള്ള കടന്നുകയറ്റം': സത്താര്‍ പന്തല്ലൂര്‍

കേന്ദ്രസർക്കാർ സ്കൂളുകളിലും സർക്കാർ പരിപാടികളിലും വന്ദേമാതരം പൂർണ്ണരൂപത്തിൽ ആലപിക്കണമെന്ന് നിർബന്ധമാക്കുന്നത് വ്യക്തിസ്വാതന്ത്ര്യത്തിന്മേലുള്ള നഗ്നമായ കടന്നുകയറ്റമാണെന്ന് എസ്.കെ.എസ്.എസ്.എഫ് വൈസ് പ്രസിഡന്റ് സത്താര്‍ പന്തല്ലൂർ. 1937-ൽ കോൺഗ്രസ് കൊൽക്കത്ത സമ്മേളനത്തിലും പിന്നീട് 1950-ൽ ഭരണഘടനാ അസംബ്ലിയിലും എടുത്ത തീരുമാനപ്രകാരം, എല്ലാ വിഭാഗം ജനങ്ങളുടെയും മതവിശ്വാസങ്ങളെ മാനിച്ചുകൊണ്ട് ആദ്യത്തെ രണ്ട് ഖണ്ഡികകൾ മാത്രമാണ് ദേശീയഗീതമായി ആലപിച്ചു വരുന്നതെന്നും അദ്ദേഹം അഭിപ്രായപ്പെട്ടു. വിഗ്രഹാരധനയുമായി ബന്ധപ്പെട്ട വരികൾ ഉൾപ്പെടുന്ന ഗാനത്തിന്റെ പൂർണ്ണരൂപം ആലപിക്കാൻ നിർബന്ധിക്കുന്നത് ഏകദൈവ വിശ്വാസത്തിൽ അധിഷ്ഠിതമായ മതങ്ങളുടെ പ്രമാണങ്ങൾക്ക് വിരുദ്ധവും, ഭരണഘടനയുടെ 25-ാം അനുച്ഛേദം ഉറപ്പുനൽകുന്ന മതസ്വാതന്ത്ര്യത്തിന്റെ ലംഘനവുമാണ്.