'സേവാ തീർത്ഥി'ൽ പ്രധാനമന്ത്രിയുടെ തുടക്കം; പിഎം റാഹത്ത് അടക്കം സുപ്രധാന പ്രഖ്യാപനങ്ങൾ ആദ്യ ദിനം

Published by:Sneha Reghu
news18-malayalam

Last Updated:Feb 13, 2026 9:10 PM IST

പുതിയ ഓഫീസിലെ ആദ്യ പ്രവൃത്തിദിനം തന്നെ രാജ്യത്തിന്റെ ഭാവി വികസനത്തിന് ഊന്നൽ നൽകുന്ന വലിയ പ്രഖ്യാപനങ്ങളിലൂടെ മോദി സർക്കാർ തങ്ങളുടെ മുൻഗണനകൾ വ്യക്തമാക്കിയിരിക്കുകയാണ്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഡൽഹി: ബ്രിട്ടീഷ് കാലഘട്ടത്തിൽ നിർമിക്കപ്പെട്ട സൗത്ത് ബ്ലോക്കിനോട് വിടപറഞ്ഞ് ഇന്ത്യൻ പ്രധാനമന്ത്രിയുടെ ഓഫീസ് "സേവാ തീർത്ഥ്" എന്ന അത്യാധുനികമായ പുതിയ ഓഫീസിലേക്ക് മാറിയതിന് പിന്നാലെ നിർണ്ണായക തീരുമാനങ്ങളുമായി പ്രധാനമന്ത്രി നരേന്ദ്ര മോദി. പുതിയ ഓഫീസിലെ ആദ്യ ദിനത്തിൽ തന്നെ സ്ത്രീകൾ, യുവാക്കൾ, കർഷകർ, സാധാരണക്കാർ എന്നിവരുടെ ക്ഷേമം മുൻനിർത്തിയുള്ള സുപ്രധാന ഫയലുകളിലാണ് അദ്ദേഹം ഒപ്പുവെച്ചത്. പരിക്കേറ്റവർക്ക് ഒന്നര ലക്ഷം രൂപ വരെ പണരഹിത ചികിത്സ ഉറപ്പാക്കുന്ന 'പ്രധാനമന്ത്രി റഹത് പദ്ധതി' ഇതിൽ ഏറ്റവും ശ്രദ്ധേയമാണ്. ചികിത്സാ സഹായം വൈകുന്നത് മൂലം ഒരു ജീവൻ പോലും നഷ്ടപ്പെടരുത് എന്ന ലക്ഷ്യത്തോടെയാണ് ഈ പുതിയ സംരംഭത്തിന് തുടക്കമിട്ടത്.

At Seva Teerth earlier today, signed files that are connected with the empowerment of the poor, downtrodden, our hardworking farmers, Yuva Shakti and Nari Shakti. The key decisions include:

Approval for the launch of PM RAHAT scheme, as per which victims of accidents will get… pic.twitter.com/dVn5LyrVNX

— Narendra Modi (@narendramodi) February 13, 2026

സ്ത്രീ ശാക്തീകരണ രംഗത്ത് വലിയ വിപ്ലവം സൃഷ്ടിച്ച ലക്ഷപതി ദീദി പദ്ധതിയുടെ ലക്ഷ്യവും പ്രധാനമന്ത്രി പരിഷ്കരിച്ചു. മൂന്ന് കോടി ലക്ഷപതികളായിട്ടുള്ള സ്ത്രീകളെ സൃഷ്ടിക്കാനുള്ള ദൗത്യം നിശ്ചിത സമയത്തിന് ഒരു വർഷം മുൻപേ പൂർത്തിയാക്കിയ പശ്ചാത്തലത്തിൽ, 2029 മാർച്ചോടെ ഈ എണ്ണം ആറ് കോടിയായി വർദ്ധിപ്പിക്കാനാണ് പുതിയ തീരുമാനം. കാർഷിക മേഖലയുടെ സമഗ്ര വികസനത്തിനായി കാർഷിക ഇൻഫ്രാസ്ട്രക്ചർ ഫണ്ട് ഒരു ലക്ഷം കോടിയിൽ നിന്നും രണ്ട് ലക്ഷം കോടി രൂപയായി ഇരട്ടിയാക്കാനും അദ്ദേഹം അംഗീകാരം നൽകി. കാർഷിക മൂല്യശൃംഖലയെ കൂടുതൽ ശക്തിപ്പെടുത്താൻ ഈ നീക്കം സഹായിക്കും.

പുത്തൻ സംരംഭങ്ങളെ പ്രോത്സാഹിപ്പിക്കുന്നതിനായി 10,000 കോടി രൂപയുടെ 'സ്റ്റാർട്ടപ്പ് ഇന്ത്യ ഫണ്ട് ഓഫ് ഫണ്ട്സ് 2.0' പദ്ധതിക്കും പ്രധാനമന്ത്രി അനുമതി നൽകി. ഡീപ് ടെക്, ആധുനിക ഉൽപ്പാദനം, നൂതന സാങ്കേതികവിദ്യകൾ എന്നിവയിൽ ഊന്നൽ നൽകുന്ന സ്റ്റാർട്ടപ്പുകൾക്ക് ഈ ഫണ്ട് വലിയ കരുത്താകും. പുതിയ ഓഫീസിലെ ആദ്യ പ്രവൃത്തിദിനം തന്നെ രാജ്യത്തിന്റെ ഭാവി വികസനത്തിന് ഊന്നൽ നൽകുന്ന വലിയ പ്രഖ്യാപനങ്ങളിലൂടെ മോദി സർക്കാർ തങ്ങളുടെ മുൻഗണനകൾ വ്യക്തമാക്കിയിരിക്കുകയാണ്.