ഡോ. വന്ദന ദാസിന്റെ കോട്ടയത്തെ വീട് സന്ദർശിച്ച് കേന്ദ്രമന്ത്രിമാരായ സ്മൃതി ഇറാനിയും വി മുരളീധരനും

കോട്ടയം: കൊട്ടാരക്കരയിൽ കൊല്ലപ്പെട്ട ഡോക്ടർ വന്ദന ദാസിന്റെ വീട്ടിൽ കേന്ദ്ര മന്ത്രി സ്മൃതി ഇറാനി സന്ദർശിച്ചു. വന്ദനയുടെ പിതാവ് മോഹൻദാസ്, മാതാവ് വസന്തകുമാരി എന്നിവരുമായി സ്മൃതി ഇറാനി സംസാരിച്ചു. വന്ദനയുടെ സ്മൃതി കുടീരത്തിൽ മന്ത്രി പുഷ്‌പ്പച്ചന നടത്തി. സന്ദർശനം അരമണിക്കൂറോളം നീണ്ടു. കേന്ദ്ര മന്ത്രി വി മുരളീധരനും സ്മൃതി ഇറാനിക്കൊപ്പം വന്ദനയുടെ വീട്ടിൽ എത്തിയിരുന്നു. അവർക്ക് നഷ്ടപ്പെട്ടത് മടക്കി നൽകാനാവില്ലെങ്കിലും വേദനയിൽ ഒപ്പമുണ്ടെന്ന് അറിയിക്കാൻ കഴിഞ്ഞെന്നും വി മുരളീധരൻ ഫേസ്ബുക്കിൽ കുറിച്ചു.