വാളയാർ: പ്രതികൾക്ക് ശിക്ഷ ഉറപ്പാക്കണം; ഈ പൊലീസ് ഇനി അന്വേഷിച്ചിട്ട് കാര്യമില്ലെന്ന് കുട്ടികളുടെ അമ്മ

പാലക്കാട്: വാളയാർ പീഡനക്കേസിലെ പ്രതികളെ വെറുതെ വിട്ട സംഭവത്തിൽ അന്വേഷണ സംഘത്തിനെതിരെ മരിച്ച കുട്ടികളുടെ അമ്മ. ഈ പൊലീസ് ഇനി അന്വേഷിച്ചിട്ട് കാര്യമില്ലെന്നാണ് അവർ പറയുന്നത്. പ്രതികളെ വെറുതെ വിട്ട പോക്സോ കോടതി വിധിക്കെതിരെ അപ്പീല്‍ പോകുമെന്ന് പൊലീസ് അറിയിച്ചിരിന്നു. ഇതിന് പിന്നാലെയാണ് ഇവരുടെ പ്രതികരണം. പൊലീസ് അപ്പീൽ പോകുന്നതിൽ ഫലമില്ല.. ഫലവത്തായ അന്വേഷണത്തിലൂടെ പ്രതികൾക്ക് ശിക്ഷ ഉറപ്പാക്കണമെന്നാണ് പെൺകുട്ടികളുടെ മാതാവ് ആവശ്യപ്പെട്ടിരിക്കുന്നത്.