Kerala Congress | 2016 ൽ എന്ത് സംഭവിച്ചു? കേരളാ കോണ്‍ഗ്രസ് എം മുന്നണി മാറുമ്പോൾ കണക്കുകൂട്ടലുകൾ എന്തൊക്കെ?

ജോസ് കെ മാണി വിഭാഗം ഇടതുമുന്നണിയുമായി സഹകരിക്കുമെന്ന് പ്രഖ്യാപിച്ചുകഴിഞ്ഞു. ജോസ് കെ മാണിയുടെ പ്രഖ്യാപനത്തെ മുഖ്യമന്ത്രി പിണറായി വിജയനും സിപിഎമ്മും സ്വാഗതം ചെയ്തിട്ടുണ്ട്. തുടർ നടപടികൾ ഇടതുമുന്നണി യോഗം തീരുമാനിക്കുമെന്നാണ് മുഖ്യമന്ത്രി വ്യക്തമാക്കുന്നത്. ഇനി മുന്നിലുള്ളത് നിയമസഭാ തെര‍ഞ്ഞെടുപ്പിന് മുൻപായുള്ള സീറ്റ് വിഭജനമാണ്. ചിലത് ഒഴികെ പാലാ ഉൾപ്പെടെയുള്ള സീറ്റുകൾ സിപിഎം ജോസ് കെ. മാണിക്ക് ഉറപ്പ് നല്‍കിയെന്നാണ് വിവരം. ഇടതുമുന്നണിയിലെത്തുമ്പോൾ, ജോസ് കെ മാണിക്ക് എത്ര സീറ്റുകൾ ലഭിക്കുമെന്നാണ് ഇനി അറിയേണ്ടത്.