നാലു ജില്ലകളിൽ സമഗ്രാധിപത്യം; തുടർഭരണം; ജോസ് കെ. മാണി വരുമ്പോൾ സിപിഎം കണക്കുകൂട്ടൽ

എറണാകുളം (14 ) യുഡിഎഫ് (9 ) എൽഡിഎഫ് (5 )

പാലാ, കോന്നി ഉപതെരഞ്ഞെടുപ്പുകൾക്ക് ശേഷം രണ്ടു സീറ്റുകളും എൽഡിഎഫ് പിടിച്ചെടുത്തതോടെ (2019) നാലു ജില്ലകളിലെ സീറ്റുനിലയിൽ ഇരു മുന്നണികളും തുല്യ നിലയിലായി.

ഇതിലും മെച്ചമായ അവസ്ഥ അടുത്ത തെരഞ്ഞെടുപ്പിൽ നാലു ജില്ലകളിൽ ഉണ്ടാകും എന്നാണ് ജോസ് വിഭാഗത്തിനു വേണ്ടി വാദിക്കുന്നവരുടെ കണക്കുകൂട്ടൽ. അത് ഇങ്ങനെ.

നിലവിലെ മൂന്നു മണ്ഡലങ്ങളും (വൈക്കം, ഏറ്റുമാനൂർ, പാലാ) ഒപ്പമുണ്ടാകും. കാഞ്ഞിരപ്പളളി എം എൽ എ ജയരാജ് എൽ ഡിഎഫിലേക്ക് വരുന്നതോടെ മണ്ഡലം ഇടത്തേക്ക് മറിയും. ചങ്ങനാശേരിയിൽ കഴിഞ്ഞ തവണ 1849 വോട്ടിന്റെ മാത്രം ഭൂരിപക്ഷമാണ് യു ഡിഎഫിന് ഉണ്ടായത്. ഇത് മറികടക്കാൻ ജോസ് വരുന്നതോടെ കഴിയും.കടുത്തുരുത്തി മാണി വിഭാഗത്തിന് ശക്തിയുള്ളതെന്ന് പരക്കെ വിലയിരുത്തപ്പെടുന്നു. അതും അനുകൂലമാകും. പൂഞ്ഞാറിൽ മാണി വിഭാഗം വന്നാൽ പിസി ജോർജിനെ പരാജയപ്പെടുത്താൻ കഴിയും. കോട്ടയം മണ്ഡലത്തിൽ ഇടതു മുന്നേറ്റം ഉണ്ടാകും എന്നും പുതുപ്പള്ളിയിൽ ഉമ്മൻ ചാണ്ടിയല്ലാതെമറ്റാരു വന്നാലും വിജയിക്കാം എന്നുമാണ് വിലയിരുത്തൽ. ജില്ലയിൽ കുറഞ്ഞത് 7 സീറ്റുകൾ ഉറപ്പാക്കുന്നു.

നിലവിലെ മൂന്നു മണ്ഡലങ്ങളും (ഉടുമ്പൻചോല, പീരുമേട്, ദേവികുളം ) ഒപ്പമുണ്ടാകും. എൽ ഡി എഫിൽ എത്തുന്ന റോഷി അഗസ്റ്റിന് തന്റെ വ്യക്തി പ്രഭാവം കൊണ്ട് ഇടുക്കി നിലനിർത്താൻ കഴിയും. തൊടുപുഴയിൽ മാണി വിഭാഗം വന്നാൽ പിജെ ജോസഫിനെ തളയ്ക്കാൻ കഴിയും. ജില്ലയിൽ കുറഞ്ഞത് 4 സീറ്റുകൾ ഉറപ്പാക്കുന്നു.

നിലവിലെ അഞ്ചു മണ്ഡലങ്ങളും (റാന്നി, തിരുവല്ല, ആറന്മുള, അടൂർ, കോന്നി ) നിലനിർത്താം. രാഷ്ട്രീയമായി വന്ന മാറ്റങ്ങൾ ലോക് സഭാ തെരഞ്ഞെടുപ്പിലെ തിരിച്ചടി മറികടക്കാൻ സഹായിക്കും.

നിലവിലെ അഞ്ചു മണ്ഡലങ്ങളും (കൊച്ചി, കോതമംഗലം. മൂവാറ്റുപുഴ, തൃപ്പൂണിത്തുറ, വൈപ്പിൻ,) നിലനിർത്താം. നേരിയ വോട്ടിനു നഷ്ടമായ കുന്നത്തുനാട്ടിൽ കേരളാ കോൺഗ്രസിലെ മാറ്റം ഗുണം ചെയ്യും. പഴയ മാണി വിഭാഗം സീറ്റുകളായ അങ്കമാലി, പിറവം എന്നിവടങ്ങളിലും മാറ്റം വരുത്തും. പ്രത്യേക സാഹചര്യത്തിൽ നഷ്‌ടമായ പെരുമ്പാവൂർ മണ്ഡലം തിരിച്ചു പിടിക്കാനും ജോസിന്റെ വരവ് സഹായിക്കും എന്നാണ് കണക്കുക്കൂട്ടൽ. ജില്ലയിൽ കുറഞ്ഞത് 8 സീറ്റുകൾ ഉറപ്പാക്കുന്നു.

അങ്ങനെ മേഖലയിലെ ആകെയുള്ള 33 സീറ്റിൽ കുറഞ്ഞത് 24 എങ്കിലും ഇടതു മുന്നണിക്ക് ലഭിക്കും എന്നതാണ് സെപ്റ്റംബർ ആദ്യ വാരത്തിലെ വിലയിരുത്തൽ. ഇതു വഴി മറ്റിടങ്ങളിൽ ഉണ്ടായേക്കാവുന്ന തിരിച്ചടി മറികടക്കാനും ഭരണത്തുടർച്ച ഉറപ്പാക്കാനും കഴിയും എന്ന് ഉറപ്പിച്ചാണ് ഭാവി കാര്യങ്ങൾ തീരുമാനിച്ചിട്ടുള്ളത്.