'പറഞ്ഞത് യാഥാർത്ഥ്യങ്ങളെന്ന് എം.ടി. പറഞ്ഞു'; ഇത്രയും കനപ്പെട്ട രാഷ്ട്രീയവിമർശനമെന്ന് കരുതിയില്ലെന്ന് എൻ.ഇ. സുധീർ

കോഴിക്കോട് കേരള ലിറ്ററേച്ചർ ഫെസ്റ്റിവലിന്റെ ഉദ്ഘാടനച്ചടങ്ങിലാണ് മുഖ്യാതിഥിയായി സംസാരിച്ച എം ടി വാസുദേവൻ നായർ, ഇഎംഎസ് സമാരാധ്യനായതെങ്ങനെയെന്ന് പറഞ്ഞുകൊണ്ട് അധികാരത്തെ വിമർശിച്ചത്. അധികാരമെന്നാൽ ജനസേവനത്തിനു കിട്ടുന്ന മെച്ചപ്പെട്ട ഒരവസരമെന്ന സിദ്ധാന്തത്തെ പണ്ടെന്നോ നമ്മൾ കുഴിച്ചുമൂടിയതാണ്. അസംബ്ലിയിലോ പാർലമെന്റിലോ മന്ത്രിസഭയിലോ ഒരു സ്ഥാനം എന്നുവെച്ചാൽ ആധിപത്യത്തിനുള്ള തുറന്ന അവസരമാണെന്നായിരുന്നു എം ടി ചൂണ്ടിക്കാട്ടിയത്.