കോതമംഗലത്ത് കാട്ടാന കിണറ്റില് വീണു; രക്ഷപ്പെടുത്താന് തീവ്രശ്രമം
- Published by:Arun krishna
- news18-malayalam
Last Updated:
കോട്ടപ്പടി പഞ്ചായത്തിലെ വടക്കുംഭാഗം പ്ലാച്ചേരിയില് ഇന്നലെ രാത്രിയോടെയാണ് സംഭവം
കോതമംഗലത്ത് സ്വകാര്യ വ്യക്തിയുടെ കിണറ്റില് കാട്ടാന വീണു. കോട്ടപ്പടി പഞ്ചായത്തിലെ വടക്കുംഭാഗം പ്ലാച്ചേരിയില് ഇന്നലെ രാത്രിയോടെയാണ് സ്വകാര്യ വ്യക്തിയുടെ ഉടമസ്ഥതയിലുള്ള കിണറ്റില് കാട്ടാന വീണത്.കാട്ടാനയെ രക്ഷപ്പെടുത്താനുള്ള ശ്രമം സ്ഥലത്ത് തുടരുകയാണ്.
കൃഷിയിടത്തിലെ ആള്മറയില്ലാത്തെ ചെറിയ കുളത്തിന് സമാനമായ കിണറ്റിലാണ് കാട്ടാന വീണത്. ചതുരാകൃതിയിലുള്ള കിണറിന് വലിയ ആഴമില്ലാത്തതിനാല് ആനയെ എത്രയും വേഗം രക്ഷപ്പെടുത്താൻ കഴിയുമെന്നാണ് പ്രതീക്ഷിക്കുന്നത്. ആനയ്ക്ക് തനിയെ കയറിപോകാനായില്ലെങ്കില് മണ്ണിടിച്ച് രക്ഷപ്പെടുത്താനാണ് ശ്രമിക്കുന്നത്. ആനയെ മയക്കുവെടിവെച്ച ശേഷം പുറത്തെത്തിക്കണമെന്നാണ് നാട്ടുകാരുടെ ആവശ്യം.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kothamangalam,Ernakulam,Kerala
First Published :
April 12, 2024 7:08 AM IST
