'SDPI വെൽഫെയർ പാർട്ടി വോട്ടുകൾ വേണ്ടെന്ന് പറയില്ല'; ന്യൂസ് 18 മീറ്റ് ദി ലീഡറിൽ ഇ പി ജയരാജൻ

ഇടതുപക്ഷം ഉണ്ടെങ്കിലേ നാട് രക്ഷപ്പെടു എന്ന ചിന്ത ജനങ്ങൾക്കുണ്ട്. ഒരു വർഗീയതയ്ക്ക് പരിഹാരം മറ്റൊരു വർഗീയതയല്ല, മതനിരപേക്ഷതയാണ്. എല്ലാ മനുഷ്യരിലും സാഹോദര്യവും ഐക്യവും വളർത്തിയെടുക്കാനാണ് ഇടതുപക്ഷ പാർട്ടികൾ ശ്രമിക്കുന്നത്. മതവിശ്വാസികൾക്ക് പള്ളിയിൽ പോകാനും ചർച്ചിൽ പോകാനും അമ്പലത്തിൽ പോകാനും ഉള്ള സാഹചര്യം സൃഷ്ടിക്കാൻ ഇവിടെ ഇടതുപക്ഷം ഉണ്ടെങ്കിലേ സാധ്യമാകൂ. അക്കാര്യം ഇന്ന് ന്യൂനപക്ഷങ്ങൾ അടക്കമുള്ള ജന വിഭാഗങ്ങൾ മനസ്സിലാക്കുന്നുണ്ട്. രാജ്യത്ത് പുരോഗതി ഉണ്ടാവണമെങ്കിൽ ഇടതുപക്ഷം വരണമെന്ന ചിന്തയുള്ള എത്രപേർ കോൺഗ്രസിനകത്ത് തന്നെ ഉണ്ട്.അവരെല്ലാം ഇടതുപക്ഷത്തിന് അനുകൂലമായി മാറി വരികയാണ്.

മൂന്ന് മുന്നണികളിലും ഇന്ന് പിണറായി വിജയനെ പോലെ ദീർഘവീക്ഷണമുള്ള ഒരു ഭരണതന്ത്രജ്ഞൻ ഇല്ല എന്നും എല്ലാവരും അംഗീകരിക്കേണ്ട നേതാവാണ് പിണറായി വിജയൻ എന്നും ജയരാജൻ പറഞ്ഞു. യുഡിഎഫ് അടക്കമുള്ളവർ അദ്ദേഹത്തെ എതിരില്ലാതെ തിരഞ്ഞെടുക്കണം എന്നും ഇപി ജയരാജൻ കൂട്ടിച്ചേർത്തു.