വനിതാ മതിൽ: പൊതുഖജനാവിൽ നിന്നും ഒരു രൂപപോലും ചെലവിടില്ലെന്ന് മുഖ്യമന്ത്രി

തിരുവനന്തപുരം: വനിതാ മതിലിനുവേണ്ടി പൊതു ഖനാവില്‍നിന്നും ഒരു രൂപ പോലും ചെലവിടില്ലെന്ന് മുഖ്യമന്ത്രി പിണറായി വിജയൻ. ഹൈക്കോടതിയിലെ സത്യവാങ്മൂലം സംബന്ധിച്ച് തെറ്റായ പ്രചരണമാണ് നടക്കുന്നത്. വനിതാ രംഗത്ത് നടപ്പാക്കുന്ന പദ്ധതികൾക്ക് പണം മാറ്റിവച്ചു എന്നാണ് കോടതിയിൽ പറഞ്ഞതെന്നും മുഖ്യമന്ത്രി വ്യക്തമാക്കി. അതില്‍ നിന്നും ഒരു രൂപ പോലും എടുക്കില്ല എന്നും മുഖ്യമന്ത്രി പറഞ്ഞു.