കോഴിക്കോട്ട് കാറും ലോറിയും കൂട്ടിയിടിച്ച് യുവാവ് മരിച്ചു; ഭാര്യയ്ക്ക് പരുക്ക്

കോഴിക്കോട്: കാറും ലോറിയും കൂട്ടിയിടിച്ച് യുവാവ് മരിച്ചു. വടകര നഗരസഭാ പാർക്കിനു സമീപം കോരപറമ്പത്ത് ശ്രീധരൻ – നാരായണി ദമ്പതികളുടെ ഏക മകൻ ആർ.ടി.ശ്രീനാഥ് (34) ആണ് മരിച്ചത്. ദേശീയപാത ഇരിങ്ങലിൽ വെച്ചാണ് സംഭവം. അപകടത്തിൽ കൂടെയുണ്ടായിരുന്ന ഭാര്യ അവന്യയ്ക്ക് (28) കൈയ്ക്ക് പരുക്കേറ്റു. രണ്ടു വയസ്സുള്ള മകൻ പരുക്കേൽക്കാതെ രക്ഷപ്പെട്ടു.