പെടയ്ക്കണ മീൻ വറുത്തടിക്കാം, കൊച്ചിക്കു വാ....

കർഷകർ, കർഷക ഉൽപാദന കമ്പനികൾ, സ്വയം സഹായക സംഘങ്ങൾ, സ്റ്റാർട്ടപ്പുകൾ തുടങ്ങിയവരുടെ അഞ്ഞൂറോളം വരുന്ന കാർഷിക ഉൽപന്നങ്ങളുടെ ബയർ സെല്ലർ മീറ്റിനും മികച്ച പ്രതികരണമാണ് ലഭിക്കുന്നത്. ഇടനിലക്കാരെ മാറ്റിനിർത്തി കാലതാമസമില്ലാതെ തന്നെ ഉൽപന്നങ്ങൾ വിപണിയിലെത്തിക്കുകയാണ് ബയർ സെല്ലർ മീറ്റിന്റെ ലക്ഷ്യം. അരി, അരി ഉൽപ്പന്നങ്ങൾ, പയർ വർഗങ്ങൾ, വെളിച്ചെണ്ണ, മറ്റു ഭക്ഷ്യ എണ്ണകൾ, ലക്ഷദ്വീപ് ഉൽപന്നങ്ങൾ എന്നിവയും മേളയിൽ ഉണ്ട്. നബാർഡിന്റെ മേൽനോട്ടത്തിൽ നാൽപതോളം ഉൽപാദകരാണ് പങ്കെടുക്കുന്നത്. മേള ശനിയാഴ്ച സമാപിക്കും.