നിപാ വൈറസ് മരണത്തിനിടയാക്കുമോ ? നിപാ വൈറസിനെക്കുറിച്ച് അറിയേണ്ടതെല്ലാം

വൈറസ് ബാധയാണ് മരണകാരണമെന്ന് ആരോഗ്യ വകുപ്പ് തന്നെ സ്ഥിരീകരിച്ചുവെങ്കിലും ഇത് ഏത് തരത്തിലുള്ള വൈറസാണെന്ന് വിശദമായി പരിശോധന ഫലം വന്ന ശേഷം മാത്രമെ പറയാന്‍ സാധിക്കു എന്നാണ് അറിയിച്ചിരിക്കുന്നത്. പനിയെ പ്രതിരോധിക്കാന്‍ മുന്‍ കരുതലുകള്‍ എടുക്കണമെന്നും ആശങ്കപ്പെടേണ്ട സാഹചര്യം നിലവിലില്ലെന്നും ആരോഗ്യ വകുപ്പ് വ്യക്തമാക്കിയിട്ടുണ്ട്.

വൈറസ്ബാധ മൂലം മരണമടഞ്ഞവരുടെ മൃതദേഹം കൈകാര്യം ചെയ്യുമ്പോഴും പ്രത്യേക കരുതലുകള്‍ എടുക്കേണ്ടതുണ്ട്. മൃതദേഹം കുളിപ്പിക്കുന്ന സമയത്ത് മുഖം മറച്ചിരിക്കണം. ശാരീരിക സ്രവങ്ങളുമായി സമ്പര്‍ക്കം ഉണ്ടാകാതിരിക്കാന്‍ പ്രത്യേകം ശ്രദ്ധിക്കണം. കുളിപ്പിച്ച ശേഷം കുളിപ്പിച്ച ആളുകള്‍ ശരീരം മുഴുവന്‍ വൃത്തിയായി തേച്ചു കഴുകി കുളിക്കണം. മൃതദേഹത്തിന്റെ മുഖത്തു ചുംബിക്കുക, കവിളില്‍ തൊടുക എന്നിങ്ങനെയുള്ള സ്‌നേഹപ്രകടനങ്ങള്‍ ഒഴിവാക്കുന്നതും നല്ലതായിരിക്കും.