COVID 19| പ്രതിരോധ വാക്സിനായി ഓസ്ട്രേലിയയും; മൃഗങ്ങളിൽ പരീക്ഷണം ആരംഭിച്ചു

Published by:Naseeba TC
news18-malayalam

Last Updated:Apr 02, 2020 12:05 PM IST

ജൂണിൽ ലഭിക്കുന്ന ഫലം അനുകൂലമാണെങ്കിൽ വാക്സിൻ ക്ലിനിക്കൽ പരീക്ഷണത്തിന് വിധേയമാക്കാം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

കോവിഡ് 19 ന് പ്രതിരോധ വാക്സിൻ കണ്ടെത്താനുള്ള ശ്രമങ്ങൾ തുടരുന്നു. ഓസ്ട്രേലിയയാണ് ഏറ്റവും ഒടുവിൽ വാക്സിൻ പരീക്ഷണം ആരംഭിച്ചത്. ഓസ്ട്രേലിയയിലെ സയിന്റിഫിക് ആന്റ് ഇൻഡസ്ട്രിയൽ റിസർച്ച് ഓർഗനൈസേഷനിലെ(സിഎസ്ഐആർഒ) ശാസ്ത്രജ്ഞരാണ് പരീക്ഷണത്തിന് നേതൃത്വം നൽകുന്നത്.

രണ്ട് വാക്സിനുകളാണ് പരീക്ഷണഘട്ടത്തിൽ ഉള്ളത്. ജൂൺ മാസത്തോടെ പരീക്ഷണത്തിന്റെ ആദ്യഘട്ട ഫലം അറിയാമെന്നാണ് പ്രതീക്ഷിക്കുന്നത്. പ്രീ ക്ലിനിക്കൽ പരീക്ഷണത്തിന് ലോകാരോഗ്യ സംഘടന അനുമതി നൽകിയതോടെ മൃഗങ്ങളിൽ പരീക്ഷണം ആരംഭിച്ചതായാണ് റിപ്പോർട്ട്.

BEST PERFORMING STORIES:വെന്റിലേറ്റർ നിർമ്മാണത്തിന് ഇന്ത്യയെ സഹായിക്കാമെന്ന് ചൈന; പക്ഷെ മുന്നിലുള്ള ഏക പ്രതിസന്ധി മറികടക്കണം [NEWS]കാസര്‍കോട്- മംഗളൂരു ദേശീയപാത ഉടന്‍ തുറക്കണമെന്ന് കേരള ഹൈക്കോടതി [NEWS]UKയിൽ പഠിക്കുന്ന വിദ്യാർത്ഥികൾ ശ്രദ്ധിക്കുക; നിങ്ങൾക്ക് സഹായഹസ്തവുമായി ഇവരുണ്ട് [NEWS]

ചെറിയ രോമങ്ങളുള്ള സസ്തനികളിലാണ് പരീക്ഷണം നടക്കുന്നത്. മനുഷ്യനിൽ വൈറസ് പ്രവേശിക്കുന്ന രീതിയിലാണ് ഈ ജീവികളിലും വൈറസ് പ്രവേശിക്കുന്നത്.

ജൂണിൽ ലഭിക്കുന്ന ഫലം അനുകൂലമാണെങ്കിൽ വാക്സിൻ ക്ലിനിക്കൽ പരീക്ഷണത്തിന് വിധേയമാക്കാം. ഈ ഫലവും അനുകൂലമായാൽ മനുഷ്യ ലോകത്തെ കാർന്നു തിന്നുന്ന വൈറസിനെ പ്രതിരോധിക്കാനുള്ള വാക്സിൻ തയ്യാർ. ഇത് ലോകത്തെല്ലായിടത്തും ലഭ്യമാകാൻ കുറഞ്ഞത് 12 മുതൽ 18 മാസമെങ്കിലും വേണ്ടിവരും.