Health | മുപ്പതുകൾക്ക് ശേഷം ഹൃദയാരോഗ്യം സംരക്ഷിക്കേണ്ടത് എങ്ങനെ? നാല് മാർഗങ്ങൾ ഇതാ

ലോകത്ത് ഏറ്റവുമധികം ആളുകൾ മരണമടയുന്നത് ഹൃദയ സംബന്ധിയായ അസുഖങ്ങളെ തുടർന്നാണെന്ന് ലോകാരോഗ്യസംഘടന പറയുന്നു. ഹൃദയം തകരാറിലാണെന്ന് തിരിച്ചറിയുംവിധം നിരവധി ലക്ഷണങ്ങൾ ശരീരം പ്രകടിപ്പിക്കാറുണ്ട്. നെഞ്ച് വേദനയും നെഞ്ചിൽ ഭാരവും കൈകളിൽ വേദനയും ക്ഷീണവുമൊക്കെ അതിൽ പ്രധാനമാണ്. ഹൃദയത്തിന്റെ അനാരോഗ്യം പെട്ടെന്ന് തന്നെ കൈകളെ ബാധിക്കും. ഒരു വസ്തുവിനെ പിടിക്കാൻ പ്രയാസം അനുഭവപ്പെടുകയോ, പിടിക്കുന്ന വസ്തു വഴുതി പോകുകയോ ചെയ്യുന്നതൊക്കെ ലക്ഷണങ്ങളാകാം.

ഈ ഘട്ടത്തിൽ വൈദ്യം സഹായം തേടാൻ വൈകരുത്. അതുപോലെ തന്നെ തലച്ചോറിലേക്ക് ആവശ്യത്തിന് രക്തം പമ്പ് ചെയ്യാത്തതിനാൽ നിങ്ങളുടെ ഹൃദയത്തിൽ സംഭവിക്കുന്ന എന്തെങ്കിലും തകരാറിന്റെ നേരിട്ടുള്ള ഫലമായി തലകറക്കവും ഉണ്ടാകാം. ശരീരത്തിലെ എന്തെങ്കിലും അസ്വാഭാവികതയുടെ ലക്ഷണമായി തലകറക്കത്തെ കണക്കാക്കാം. ഹൃദയസ്തംഭനത്തിന്റെ അത്ര അറിയപ്പെടാത്ത ചില ലക്ഷണങ്ങളിൽ ഒന്നാണ് അമിതമായി ദേഹം വിയർക്കുന്നത്.