ഇപ്പൊഴും കത്തെഴുതാറുണ്ടോ ? നിങ്ങളുടെ മാനസികാരോഗ്യം എങ്ങനെയെന്ന് വിലയിരുത്താം

അക്ഷരങ്ങൾ ഒരു ക്യാപ്‌സ്യൂൾ പോലെയാണ്. ചിലപ്പോൾ പഴയ അലമാരകളോ ഡ്രോയറുകളോ തുറക്കുമ്പോൾ പഴയ നോട്ട്ബുക്കിനുള്ളിൽ നിന്നോ മറ്റോ എന്തെങ്കിലും ചെറു കുറിപ്പുകൾ കണ്ടെത്തുമ്പോൾ അത് പഴയ ചില ഓർമകളിലേക്കു കൂടിയാണ് നമ്മെ തിരികെ കൊണ്ടുപോകുന്നത്.

ഇൻസ്റ്റന്റ് മെസേജുകളും വീഡിയോ ചാറ്റുകളുമൊക്കെയായി സാങ്കേതിക വിദ്യ വളർച്ച പ്രാപിച്ചപ്പോൾ ആശയവിനിമയം തീർച്ചയായും വേഗത്തിലായി, പക്ഷേ അതിനർത്ഥം അതിന്റെ ​ഗുണനിലവാരം മെച്ചപ്പെട്ടു എന്നല്ല. ”വേഗത്തിലുള്ള ആശയവിനിമയ രീതികളുടെ ഗുണങ്ങൾ ഞങ്ങൾ നിഷേധിക്കുന്നില്ല. എന്നാൽ അക്ഷരങ്ങളുടെയും കത്തിന്റെയും സൗന്ദര്യം ആർക്കും നിഷേധിക്കാനാകില്ല. എല്ലാ ആശയവിനിമയ ഉപാധികൾക്കും അതിന്റേതായ സ്ഥാനമുണ്ടെന്നും അവ ബഹുമാനിക്കുകയും ഈ കാലഘട്ടത്തിലും ഉപയോഗിക്കുകയും ചെയ്യണമെന്നുമാണ് ഞങ്ങൾ വിശ്വസിക്കുന്നത്”, ഡാക്ക് റൂം എന്ന ലെറ്റർ റൈറ്റിങ്ങ് കാർണിവലിന്റെ സംഘാടകരിലൊരാളായ ഹർനെഹ്മത് കൗർ പറയുന്നു. നിങ്ങളുടെ ഹൃദയത്തിന്റെ ആഴത്തിൽ നിന്ന് ഒരു പ്രത്യേക വ്യക്തിയോട് എന്തെങ്കിലും പറയാൻ ആ​ഗ്രഹിക്കുന്നുണ്ടെങ്കിൽ അക്ഷരങ്ങളിലൂടെ അത് സാധ്യമാകുമെന്നും അക്ഷരങ്ങൾ ആശയവിനിമയത്തിനുള്ള ഏറ്റവും അനുയോജ്യമായ മാർഗമാണെന്നും കൗർ കരുതുന്നു.

സമ്മർദ്ദവും ഉത്കണ്ഠയുമൊക്കെ എല്ലാവരുടെയും ജീവിതത്തെ ബാധിക്കാറുണ്ട്. ചിലർക്ക് അവ കൈകാര്യം ചെയ്യുക എന്ന കാര്യവും ബുദ്ധിമുട്ടാണ്. സത്യസന്ധമായി സ്വയം പ്രകടിപ്പിക്കാൻ എഴുത്തിലൂടെ കഴിയും. അത് നമ്മളോടു തന്നെയുള്ള സംവാദമാകാം, അല്ലെങ്കിൽ മറ്റുള്ളവരോടുള്ള തുറന്നു പറച്ചിലുമാകാം. ഫിൽട്ടർ ചെയ്യാത്ത വികാരങ്ങളാണ് അവിടെ പ്രകടിപ്പിക്കപ്പെടുന്നത്.