മാങ്ങാണ്ടിയുടെ അദ്‌ഭുതഗുണങ്ങൾ ഒട്ടേറെ; ലൈംഗിക ഉത്തേജനത്തിനും ഉത്തമമെന്ന് വിശ്വാസം; ഉപയോഗിക്കേണ്ടതെങ്ങനെ?

മാമ്പഴം ഇഷ്ടമില്ലാത്തവർ ആരും കാണില്ല. സ്വാദിഷ്ടമായ മാമ്പഴം, സമാനതകളില്ലാത്ത രുചിയും സുഗന്ധവും കൊണ്ട് വേനൽക്കാലത്തെ ചൂടിനെ ഒരു പരിധിവരെ മറികടക്കാൻ സഹായിക്കുന്നു. മാമ്പഴത്തിന്റെ രുചി ആസ്വദിക്കുമ്പോൾതന്നെ മാങ്ങയുടെ വിത്ത് (മാങ്ങാണ്ടി)  വലിച്ചെറിയുകയാണ് പതിവ്. നിങ്ങളുടെ ശരീരത്തിന് ആരോഗ്യത്തിന് ആവശ്യമായ വിവിധ പോഷകങ്ങളും ആന്റിഓക്‌സിഡന്റുകളും ലഭിക്കാനുള്ള ഒരു അവസരമാണ് ഇതിലൂടെ നഷ്ടപ്പെടുത്തുന്നത് എന്നറിയുക. പുരാതന കാലം മുതൽ, മാമ്പഴത്തിന്റെ ഓരോ ഭാഗവും നമ്മൾ ഉപയോഗിച്ചുവരുന്നു.