പറക്കുന്ന വവ്വാലുകളെ വേട്ടയാടുന്ന എലികൾ; പകർച്ചവ്യാധി ഭീഷണി ഉയർത്തി അപൂർവ ദൃശ്യങ്ങൾ

ബാഡ് സെഗെബർഗ് നഗരത്തിലെ ഒരു ഓപ്പൺ എയർ തിയേറ്ററിന് സമീപമുള്ള ഗുഹയുടെ പ്രവേശന കവാടത്തിലും, ലുണെബർഗിലെ ഒരു പൊതു പാർക്കിലെ പാറക്കെട്ടിലുമായി ഗവേഷകർ രാത്രി കാഴ്ചാ ക്യാമറകൾ സ്ഥാപിച്ചിരുന്നു. ബാഡ് സെഗെബർഗിലെ ഗുഹയിലേക്ക് വവ്വാലുകൾ പ്രവേശിക്കുകയും പുറത്തുപോകുകയും ചെയ്യുമ്പോൾ തവിട്ടുനിറമുള്ള എലികൾ അവയെ വേട്ടയാടുന്നത് ഗവേഷകർ കുറഞ്ഞത് 30 തവണ രേഖപ്പെടുത്തി. ഇതിൽ 13 തവണ എലികൾക്ക് വിജയിക്കാനായി. പൂർണമായി ഭക്ഷിച്ചു തീർന്നിട്ടില്ലാത്ത ചിലത് ഉൾപ്പെടെ 50ലധികം വവ്വാലുകളുടെ അവശിഷ്ടങ്ങൾ ശാസ്ത്രജ്ഞർ കണ്ടെത്തി.