യൂറോളജി ഡോക്ടർമാരുടെ ദക്ഷിണമേഖലാ സമ്മേളനം തിരുവനന്തപുരത്ത്

Published by:Sarika KP
news18-malayalam

Last Updated:Aug 10, 2023 7:43 PM IST

ആഗസ്റ്റ്11 മുതൽ 13 വരെ നീണ്ടുനിൽക്കുന്ന സമ്മേളനത്തിൽ രാജ്യത്തെ പ്രമുഖ യൂറോളജിസ്റ്റുകൾ പങ്കെടുക്കും .

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

തിരുവനന്തപുരം : രാജ്യത്തെ യൂറോളജി ഡോക്ടർമാരുടെ ദക്ഷിണമേഖലാ സമ്മേളനം തിരുവനന്തപുരത്ത് ഓഗസ്റ്റ് 11 മുതൽ ആരംഭിക്കും .തിരുവനന്തപുരത്ത്, കോവളം ഉദയസമുദ്ര ഹോട്ടലിൽ ആഗസ്റ്റ്11 മുതൽ 13 വരെ നീണ്ടുനിൽക്കുന്ന സമ്മേളനത്തിൽ രാജ്യത്തെ പ്രമുഖ യൂറോളജിസ്റ്റുകൾ പങ്കെടുക്കും . വൃക്കയിലും, പ്രൊസ്റ്റേറ്റ് ഗ്രന്ധിയിലും ഉണ്ടാകുന്ന കാൻസർ, കല്ല് മുതലായ രോഗങ്ങൾ, വൃക്ക മാറ്റിവയ്ക്കൽ ശസ്ത്രക്രിയയിലെ സങ്കീർണതകൾ , യൂറോളജിയിലെ നൂതനചികിത്സാ മാർഗങ്ങൾ എന്നിവ സമ്മേളനത്തിൽ ചർച്ചാവിഷയമാകും.

രാജ്യത്തെ പ്രമുഖ യൂറോളജിസ്റ്റുകളായ ഡോ. അവടിയപ്പൻ, ഡോ സൂര്യപ്രകാശ്, ഡോ.റെണു തോമസ്, ഡോ. വാസുദേവൻ എന്നിവരുടെ നേതൃത്വത്തിലാണ് സമ്മേളനം സംഘടിപ്പിക്കുന്നത്.ഡോ ശശിധരൻ കെ ഉദ്ഘാടകനാവുന്ന സമ്മേളനത്തിൽ , ഡോ സഞ്ജയ് കുൽക്കർണി , ഡോ ലക്ഷ്മൺ പ്രഭു, ഡോ സി എച്ച് ഹാരിസ്, ഡോ സതീഷ് കുറുപ്പ് എന്നീ പ്രഗൽഭരായ യുറോളജിസ്റ്റുകളുടെ സാന്നിദ്ധ്യം ഉണ്ടായിരിക്കും .

Also read-മദ്യപിക്കാതിരുന്നാലും കരൾരോഗം വരാം; ഭക്ഷണനിയന്ത്രണം പ്രധാനം

ദക്ഷിണേന്ത്യയിലെ അഞ്ചു സംസ്ഥാനങ്ങളിൽ നിന്നുമായി എണ്ണൂറോളം പ്രതിനിധികളാണ് മൂന്ന് ദിവസം നീണ്ടു നിൽക്കുന്ന സമ്മേളനത്തിൽ പങ്കെടുക്കുന്നത്