Health Tips | മാസം തികയാതെ ജനിക്കുന്ന ശിശുക്കളുടെ പരിചരണം: ശ്രദ്ധിക്കേണ്ട കാര്യങ്ങൾ

നിങ്ങളുടെ കുട്ടിയുടെ ശരീരത്തിൽ ചൂട് നിലനിർത്തുക എന്നതാണ്. ഇതിന് ഏറ്റവും ഫലപ്രദമായ മാർഗം പല ലയറായി, ഒന്നിലധികം വസ്ത്രങ്ങൾ ധരിപ്പിക്കുക. ആവശ്യമുള്ളപ്പോൾ മാത്രം അവ നീക്കം ചെയ്യുക എന്നതാണ്. കുഞ്ഞിന് താങ്ങാൻ കഴിയാത്തത്ര ഉയർന്ന താപനിലയാണെങ്കിൽ പുതപ്പു കൊണ്ട് മൂടേണ്ട ആവശ്യമില്ല. ഒരു ഡിജിറ്റൽ തെർമോമീറ്റർ വാങ്ങി കുഞ്ഞിന്റെ താപനില പരിശോധിക്കുക. കുട്ടിയുടെ ശരീരത്തിൽ 36.5 മുതൽ 37.3 ഡി​ഗ്രി സെൽഷ്യസ് (97.6 – 99.1 ഫാരൻഹീറ്റ്) വരെ താപനില നിലനിർത്തുക. മുറിയിലെ താപപനില 20 ഡി​ഗ്രി സെൽഷ്യസിനും 23 ഡി​ഗ്രി സെൽഷ്യസിനും ഇടയിൽ നിലനിർത്തുക.

ശാന്തമായ മുറിയിൽ ആവശ്യത്തിന് താപനിലയും വെളിച്ചവും ക്രമീകരിച്ചുകൊണ്ട് നിങ്ങളുടെ കുഞ്ഞിനെ നന്നായി ഉറങ്ങാൻ സഹായിക്കുക. മാസം തികയാതെ ജനിച്ച കുഞ്ഞുങ്ങൾക്ക് രാത്രിയിൽ വിശപ്പ് കൂടാൻ സാധ്യതയുണ്ട്. കുഞ്ഞിന്റെ ശരീര ഭാരം കുറവാകും തോറും അവർക്ക് കൂടുതൽ തവണ ഭക്ഷണം നൽകേണ്ടതുണ്ട്.

കുളിപ്പിക്കുന്ന വെള്ളം അധികം ചൂടായിരിക്കരുത്, അത് ഇളം ചൂടുള്ള വെള്ളം ആയിരിക്കാൻ ശ്രദ്ധിക്കുക. മുടി സാധാരണ വെള്ളത്തിൽ കഴുകുക. കുളിക്കുന്ന വെള്ളത്തിൽ ലിക്വിഡ് ക്ലെൻസറുകൾ ചേർക്കരുത്. ആദ്യത്തെ മാസത്തിൽ, വെള്ളം മാത്രം ഉപയോ​ഗിച്ച് കുളിപ്പിക്കുന്നതാണ് കുഞ്ഞിന്റെ ചർമത്തിന് നല്ലത്. കുഞ്ഞ് 2.5 കിലോ എത്തുന്നതുവരെ സ്പോഞ്ച് ബാത്തിങ്ങ് (sponge bathing) ചെയ്യുക. കുഞ്ഞ് കുറഞ്ഞത് ഒരു മാസം ആകുന്നതു വരെ ഏതെങ്കിലും ലോഷനുകളോ എണ്ണകളോ ഉപയോഗിക്കുന്നത് ഒഴിവാക്കുക

കുഞ്ഞുങ്ങൾ ഉറക്കത്തിൽ മരിക്കുന്നതിനെയാണ് സഡൺ ഡെത്ത് സിൻഡ്രോം എന്നു വിളിക്കുന്നത്. സാധാരണയായി ആദ്യത്തെ ആറു മാസത്തിനുള്ളിലാണ് ഇങ്ങനെ സംഭവിക്കുന്നത്. മാസം തികയാതെ ജനിച്ച കുഞ്ഞുങ്ങൾക്ക് മറ്റു കുഞ്ഞുങ്ങളെ അപേക്ഷിച്ച് ഈ അപകടസാധ്യത കൂടുതലാണ്. സഡൺ ഡെത്ത് സിൻഡ്രോമിന്റെ കാരണമെന്താണെന്ന് ഇപ്പോഴും കൃത്യമായി അറിയില്ല. എങ്കിലും താഴെ പറയുന്ന കാര്യങ്ങൾ പാലിച്ചാൽ ഇത് ഒരു പരിധി വരെ ഒഴിവാക്കാം.