Health Tips | കുട്ടികളിൽ നല്ല ഭക്ഷണശീലം വളർത്തേണ്ടത് എങ്ങനെ? രണ്ടു വയസിനുള്ളിൽ എന്തൊക്കെ ശ്രദ്ധിക്കണം?

ഗർഭധാരണം മുതൽ കുട്ടികൾക്ക് 2 വയസാകുന്നതു വരെയുള്ള ആദ്യത്തെ 1000 ദിവസങ്ങളിൽ ലഭിക്കുന്ന പോഷകാഹാരം അവരുടെ ജീവിതത്തിലുടനീളമുള്ള വളർച്ചയിലും വികാസത്തിലും പ്രധാന പങ്ക് വഹിക്കുന്നുണ്ട്. ഈ ഘട്ടത്തിൽ വേണ്ടത്ര പോഷകാഹാരം ലഭിച്ചില്ലെങ്കിൽ പ്രായമാകും തോറും ഹൃദ്രോഗം, പ്രമേഹം, രക്തസമ്മർദം എന്നിവയെല്ലാം ഉണ്ടാകാനുള്ള സാധ്യത വർദ്ധിക്കുന്നു എന്ന് പഠനങ്ങൾ തെളിയിച്ചിട്ടുണ്ട്. ഒരു കുഞ്ഞിന് ആദ്യത്തെ ആറു മാസം മുലപ്പാൽ മാത്രം നൽകണം എന്നും അതിനുശേഷം കോംപ്ലിമെന്ററി ഭക്ഷണങ്ങൾ നൽകാൻ ആരംഭിക്കണമെന്നും 2 വയസ് വരെ മുലയൂട്ടൽ തുടരണം എന്നും ലോകാരോഗ്യ സംഘടനയുടെ നിർദേശങ്ങളിൽ പറയുന്നു.