Obstructive Sleep Apnea | കുട്ടികളിലെ ഉറക്കമില്ലായ്മ; ഒബ്‌സ്ട്രക്റ്റീവ് സ്ലീപ്പ് അപ്നിയയുടെ ലക്ഷണങ്ങൾ എന്തെല്ലാം?

ഇന്നത്തെ കാലത്ത് മുതിർന്നവരിൽ ഉറക്കമില്ലായ്മ (sleeplessness) ഒരു സാധാരണ പ്രശ്നമായി മാറിയിരിക്കുന്നു. എന്നാൽ മുതിർന്നവർ മാത്രമല്ല കുട്ടികളും ഇന്ന് ഉറക്കമില്ലായ്മ അനുഭവിക്കുന്നുണ്ട്. കുട്ടികൾ കൂടുതൽ ആക്ടീവുംമുതിർന്നവരേക്കാൾ നന്നായി ഉറങ്ങുന്നവരുമാണെന്നാണ് പൊതുവെ വിശ്വസിക്കപ്പെടുന്നത്. എന്നാൽ എല്ലാ കുട്ടികളും ഇത്തരത്തിൽ ആവശ്യമുള്ളത്ര ഉറങ്ങുന്നില്ല. കുട്ടികളിലെ ഉറക്കമില്ലായ്മ സ്ലീപ് അപ്നിയ (Sleep Apnea) എന്നാണ് അറിയപ്പെടുന്നത്. ഈ അവസ്ഥയിലൂടെ കടന്നു പോകുന്ന കുട്ടികളുടെ ഉറക്കം (Sleep) വളരെ അസ്വസ്ഥമായിരിക്കും. രാത്രി ഭയം, കൂർക്കംവലി എന്നിവയും രോഗ ലക്ഷണങ്ങളാണ്. ഈ ഘടകങ്ങൾ അവരുടെ പഠന-വികസന പ്രക്രിയയെയും ബാധിക്കുന്നു. ഉദാസീനമായ ജീവിതശൈലി (Lifestyle), അമിതവണ്ണം, അനുചിതമായ ഭക്ഷണശീലങ്ങൾ എന്നിവയാണ് ഉറക്കമില്ലായ്മയിലേക്ക് നയിച്ചേക്കാവുന്ന മറ്റ് ചില ഘടകങ്ങൾ.