World Health Day: ഇന്ത്യയില്‍ കഴിഞ്ഞ 30 വര്‍ഷത്തിനിടെ മാതൃമരണ നിരക്കില്‍ 83 ശതമാനം കുറവുണ്ടായതായി ആരോഗ്യ മന്ത്രാലയം
- Published by:Rajesh V
- news18-malayalam
Last Updated:
സ്ത്രീകളുടെയും കുട്ടികളുടെയും ആരോഗ്യത്തിന് പ്രാധാന്യം നല്‍കണമെന്ന ഉദ്ദേശ്യത്തോടെയാണ് ഈ വര്‍ഷത്തെ ലോകാരോഗ്യ ദിനം കൊണ്ടാടുന്നത്
എല്ലാവര്‍ഷവും ഏപ്രില്‍ 7 ലോകാരോഗ്യ ദിനമായാണ് ആചരിക്കുന്നത്. പൊതുജനാരോഗ്യം മെച്ചപ്പെടുത്തുന്നതിനായി ജനങ്ങളെ ഒന്നിപ്പിച്ച് മുന്നോട്ടുകൊണ്ടുപോകുന്നതിനാണ് ഈ ദിനം പ്രാധാന്യം നല്‍കുന്നത്. 1950ല്‍ ലോകാരോഗ്യ സംഘടനയാണ് ഈ ആശയം മുന്നോട്ടുവെച്ചത്. സ്ത്രീകളുടെയും കുട്ടികളുടെയും ആരോഗ്യത്തിന് പ്രാധാന്യം നല്‍കണമെന്ന ഉദ്ദേശ്യത്തോടെയാണ് ഈ വര്‍ഷത്തെ ലോകാരോഗ്യ ദിനം കൊണ്ടാടുന്നത്.
ആരോഗ്യമുള്ള ഭാവിയ്ക്കായുള്ള ഇന്ത്യയുടെ പ്രതിബദ്ധത
ആരോഗ്യസംരക്ഷണ സംവിധാനങ്ങള്‍ എല്ലാവരിലും തുല്യമായി എത്തിക്കുന്നതിനായി കേന്ദ്രസര്‍ക്കാരിന്റെ ആരോഗ്യ-കുടുംബക്ഷേമ മന്ത്രാലയം പ്രവര്‍ത്തിച്ചുവരുന്നു. ആയുഷ്മാന്‍ ഭാരത്, നാഷണല്‍ ഹെല്‍ത്ത് മിഷന്‍, തുടങ്ങിയ മുന്‍നിര സംരംഭങ്ങളിലൂടെ ഇന്ത്യയുടെ ആരോഗ്യമേഖല പുരോഗതി കൈവരിച്ചു. മാതൃ-ശിശു സേവനങ്ങള്‍ കൂടുതല്‍ ശക്തിപ്പെടുത്താനും ഡിജിറ്റല്‍ ആരോഗ്യസേവനങ്ങള്‍ വികസിപ്പിക്കാനും ആരോഗ്യമേഖലയിലെ അടിസ്ഥാന സൗകര്യങ്ങള്‍ വികസിപ്പിക്കാനും ഈ പദ്ധതികളിലൂടെ സാധിച്ചു.
മാതൃ-ശിശു ആരോഗ്യ മേഖലയിലെ പ്രധാന നേട്ടങ്ങള്‍
കേന്ദ്ര ആരോഗ്യമന്ത്രാലയത്തിന്റെ റിപ്പോര്‍ട്ട് പ്രകാരം 2014-16 കാലത്ത് ഇന്ത്യയുടെ മാതൃമരണനിരക്ക് 130 ആയിരുന്നു. 2018-20 ആയപ്പോഴേക്കും ഇത് 97 ആയി കുറഞ്ഞു. കഴിഞ്ഞ 30 വര്‍ഷത്തിനിടെ (1990-2020) മാതൃമരണനിരക്കില്‍ 83 ശതമാനം കുറവുണ്ടായതായും റിപ്പോര്‍ട്ടില്‍ പറയുന്നു.
advertisement
ശിശുമരണനിരക്ക് : 2014ല്‍ ശിശുമരണനിരക്ക് 39 ആയിരുന്നു. 2020 ആയപ്പോഴേക്കും ശിശുമരണനിരക്ക് 28 ആയി കുറഞ്ഞു.
മാതാവിന്റെ ആരോഗ്യത്തിനായുള്ള പദ്ധതികള്‍
- മെറ്റേണല്‍ ഡെത്ത് സര്‍വെയ്‌ലന്‍സ് ആന്‍ഡ് റെസ്‌പോണ്‍സ്: ആശുപത്രികളിലും മറ്റുമുള്ള മാതൃമരണങ്ങള്‍ക്ക് പിന്നിലെ കാരണങ്ങള്‍ പരിശോധിക്കുന്ന പദ്ധതിയാണിത്. ഇതിന്റെ അടിസ്ഥാനത്തില്‍ ഗര്‍ഭിണികള്‍ക്ക് മികച്ച പരിചരണം ഉറപ്പാക്കുകയും ചെയ്യുന്നു.
-മദര്‍ ആന്‍ഡ് ചൈല്‍ഡ് പ്രൊട്ടക്ഷന്‍ കാര്‍ഡ് (എംസിപി): കേന്ദ്ര ആരോഗ്യമന്ത്രാലയം, കേന്ദ്ര വനിതാ ശിശുക്ഷേമ വകുപ്പ് എന്നിവയുടെ സംയുക്ത സംരംഭമാണിത്. ഗര്‍ഭിണികളുടെയും മൂന്ന് വയസുവരെയുള്ള കുട്ടികളുടെയും വിവരങ്ങള്‍ പദ്ധതിപ്രകാരം ശേഖരിക്കുന്നു.
advertisement
-ജനനി സുരക്ഷാ യോജന: പ്രസവം ആശുപത്രികളിലാക്കാനും അതിലൂടെ ധനസഹായം ഉറപ്പാക്കാനും ലക്ഷ്യമിടുന്ന പദ്ധതിയാണിത്.
-ലക്ഷ്യ ഇനിഷ്യേറ്റീവ്: ആശുപത്രികളിലെ ലേബര്‍ റൂമുകളിലേയും ഓപ്പറേഷന്‍ തിയേറ്ററുകളിലെയും സേവനം മെച്ചപ്പെടുത്തുകയാണ് ഈ പദ്ധതിയുടെ ലക്ഷ്യം.
-പോഷണ്‍ അഭിയാന്‍ : അനീമിയ, ശിശുക്കളുടെ ഭാരക്കുറവ്, അമ്മമാരുടെ പോഷകക്കുറവ് എന്നിവ പരിഹരിക്കാനായി ആരംഭിച്ച പദ്ധതിയാണിത്.
ജീവിതശൈലിയുടെ മാറ്റങ്ങൾ ആരോഗ്യം, ആഹാരം, സംസ്കാരം എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
April 07, 2025 8:22 PM IST
മലയാളം വാർത്തകൾ/ വാർത്ത/Life/Health/
World Health Day: ഇന്ത്യയില്‍ കഴിഞ്ഞ 30 വര്‍ഷത്തിനിടെ മാതൃമരണ നിരക്കില്‍ 83 ശതമാനം കുറവുണ്ടായതായി ആരോഗ്യ മന്ത്രാലയം
