Toothpaste | വെറുതയല്ല ഈ വരകൾ; ടൂത്ത് പേസ്റ്റിൽ കാണുന്ന പല നിറത്തിലുള്ള വരകളുടെ അര്‍ത്ഥമെന്ത്?

ചുവപ്പ്, നീല, വെള്ള തുടങ്ങിയ പല നിറത്തിലുള്ള പേസ്റ്റുകള്‍ നമ്മള്‍ കണ്ടിട്ടുണ്ടാകും. വ്യത്യസ്ത നിറത്തിലുള്ളതോ ഒരേ നിറത്തിലുള്ളതോ ആയ വരകള്‍ ഉള്ള പേസ്റ്റുകളും ലഭ്യമാണ്. വെളുപ്പും ചുവപ്പും നിറങ്ങളിലോ വെളുപ്പും പച്ചയും നിറങ്ങളിലോ ഒക്കെയുള്ള വരകള്‍ ഒരേ പേസ്റ്റില്‍ തന്നെ കാണാന്‍ സാധിക്കാറുണ്ട്. പേസ്റ്റ് വളരെ ആകര്‍ഷകമാക്കാന്‍ വേണ്ടിയും അതുവഴി കച്ചവടം ഉണ്ടാക്കാനും വേണ്ടിയാണ് ഇത്തരം വരകള്‍ എന്നാണ് നമ്മളില്‍ പലരും ഇതുവരെ കരുതിയിരുന്നത്. എന്നാല്‍ സംഗതി അങ്ങനെയല്ല. പല നിറത്തിലുള്ള ഇത്തരം വരകള്‍ക്ക് പിന്നില്‍ ചില രഹസ്യങ്ങളുണ്ട്.

Also Read-ഉറങ്ങുമ്പോള്‍ ചുറ്റുമുള്ള ശബ്ദങ്ങള്‍ കേള്‍ക്കാത്തത് എന്തുകൊണ്ട്? തലച്ചോറിന്റെ പ്രവർത്തനത്തെക്കുറിച്ചറിയാം

ടൂത്ത് പേസ്റ്റുകള്‍ സാധാരണ വെളുത്ത നിറത്തിലായിരിക്കും കാണപ്പെടുക. വെളുത്ത നിറത്തില്‍ മാത്രം കാണപ്പെടുന്ന പേസ്റ്റ് പല്ലുകളെ വെള്ളയാക്കാൻ മാത്രമേ ഉപകരിക്കൂ. നീല, പച്ച നിറത്തിലുള്ള പേസ്റ്റ് ആന്റിമൈക്രോബിയല്‍ പദാര്‍ത്ഥങ്ങള്‍ ഉള്‍പ്പെടുന്നവയാണ്. അതായത്, വായിലെ കീടാണുക്കളെ നശിപ്പിക്കാന്‍ ഇവയ്ക്ക് സാധിക്കുന്നു എന്നര്‍ത്ഥം. ശ്വാസോച്ഛ്വാസം കൂടുതല്‍ നല്ല രീതിയില്‍ നിലനിര്‍ത്താനും ഇവയ്ക്ക് കഴിയുന്നു.

ചില പേസ്റ്റില്‍ പച്ച നിറത്തിലുള്ള വരകള്‍ കാണാന്‍ സാധിക്കും. പ്രകൃതിദത്ത പദാര്‍ത്ഥങ്ങള്‍ ഉള്‍പ്പെട്ടിട്ടുണ്ട് എന്നാണ് ഇതിനര്‍ത്ഥം. വളരെ സാധാരണയായി കാണാറുള്ള നിറമാണ് ചുവപ്പ്. മോണകളുടെ ആരോഗ്യത്തിന് നല്ലതാണ് ഈ പേസ്റ്റ് എന്നാണ് ഇതു നൽകുന്ന സൂചന.

Also Read-ജൈവവൈവിധ്യത്തിന്റെ കലവറ; ആവാസ വ്യവസ്ഥയുടെ അവിഭാജ്യ ഘടകം; ഇന്ന് മഴക്കാടുകൾക്കായുള്ള ദിനം

എന്നാൽ ചിലപ്പോഴൊക്കെ ചുവപ്പ് വില്ലനാണ്. അതായത്, ചുവപ്പ് വര പേസ്റ്റിലെ രാസ പദാര്‍ത്ഥങ്ങളെയും സൂചിപ്പിക്കാറുണ്ട്. രാസ പദാര്‍ത്ഥങ്ങള്‍ അടങ്ങിയിരിക്കുന്ന പേസ്റ്റാണ് ഇത് എന്ന മുന്നറിയിപ്പാണ് ചുവന്ന വര. മേല്‍പ്പറഞ്ഞ എല്ലാ നിറത്തിലുമുള്ളതോ അവയുടെ കോമ്പിനേഷനില്‍ ഉള്ളതോ ആയ പേസ്റ്റുകള്‍ മാര്‍ക്കറ്റില്‍ ലഭ്യമാണ്. ഇത് ആവശ്യാനുസരണം നോക്കി വാങ്ങണം.

സാധാരണയായി കടകളില്‍ ലഭിക്കുന്ന പേസ്റ്റുകള്‍ കൂടാതെ ദന്ത ഡോക്ടര്‍മാകും ചില പേസ്റ്റുകള്‍ നിര്‍ദ്ദേശിക്കാറുണ്ട്. ഇവയില്‍ ചിലതിലും ഇങ്ങനെയുള്ള നിറങ്ങൾ കാണാം. ഓരോ ആളുകളുടെയും പല്ലിന്റെയും മോണകളുടെയും ആവശ്യങ്ങൾ വ്യത്യസ്തമാണ്. അതിനാല്‍ അവ മനസ്സിലാക്കി പേസ്റ്റും മറ്റ് വസ്തുക്കളും ഉപയോഗിക്കുന്നതാണ് നല്ലത്.

രാവിലെ എഴുന്നേല്‍ക്കുമ്പോഴും രാത്രി ഉറങ്ങുന്നതിന് മുന്‍മും പല്ലുതേയ്ക്കുന്നത് അത്യാവശ്യമായ കാര്യമാണ്. ഭക്ഷണാവശിഷ്ടങ്ങള്‍ വായില്‍ കുടുങ്ങിക്കിടക്കുന്നത് പല്ലുകളുടെ മാത്രമല്ല മൊത്തം ആരോഗ്യത്തെയും ബാധിക്കുന്നു. വൃത്തിയായി വായയും പല്ലും സൂക്ഷിയ്ക്കുക എന്നതാണ് അടിസ്ഥാനപരമായി ചെയ്യേണ്ടത്. ഒരു പരിധി വരെ പലവിധ രോഗങ്ങളെയും നമുക്ക് ഇതിലൂടെ ചെറുക്കാന്‍ സാധിക്കും.