യുകെയിലെ ഇൻസ്റ്റിറ്റ്യൂട്ട് ഓഫ് സിവിൽ എഞ്ചിനീയേഴ്സിന്റെ 205 വർഷത്തെ ചരിത്രം തിരുത്തിയ അനുഷ ഷാ

ICE യിലെ സിവിൽ എഞ്ചിനീയറിങിനെ കുറിച്ച് ആമുഖ പ്രസംഗം നൽകിക്കൊണ്ടാണ് അനുഷ പ്രസിഡന്റായി ചുമതലയേറ്റത്. നെതർലാൻഡിലെ പ്രമുഖ ഡിസൈൻ എഞ്ചിനീയറിംഗ് സ്ഥാപനമായ അർകാഡീസിന്റെ ക്ലൈമറ്റ് അടാപ്റ്റേഷൻ ലീഡ് ആയി അനുഷ പ്രവർത്തിക്കുന്നുണ്ട്. എഫിയെജ്, കിയർ, ഫെറോവിയൽ, BAM നട്ടൽ ജോയിന്റ് തുടങ്ങിയ കമ്പനികൾ ചേർന്ന് ചെയ്യുന്ന ഏറ്റവും പുതിയ പ്രോജക്റ്റായ യ കെ യിലെ ഹൈ സ്പീഡ് 2 റെയിൽ പ്രോജക്ടിലേക്ക് പരിസ്ഥിതി പഠനം നടത്തുവാനുള്ള ടീമിന്റെ സീനിയർ ഡയറക്ടർ ആയി നിലവിൽ അനുഷയെ നിയമിച്ചിട്ടുണ്ട്.

ക്ലൈമറ്റ് അടാപ്റ്റെഷൻ, സുസ്ഥിര വികസനം, ഇൻക്ലൂസീവ് ഡിസൈൻ എന്നിവയെക്കുറിച്ച് പഠനം നടത്തുന്ന ലണ്ടനിലെ കിങ്‌സ് കോളേജിലെ റോയൽ ആക്കാദമി ഓഫ് എഞ്ചിനീയറിങ്ങിലെ വിസിറ്റിംഗ് പ്രൊഫസർ ആയും ഇവർ പ്രവർത്തിക്കുന്നുണ്ട്. യുകെയുടെ മെട്രോളജിക്കൽ ഓഫീസിന്റെ നോൺ എക്സിക്യൂട്ടീവ് ഡയറക്ടർ ആയും, എഡിൻബർഗ് യൂണിവേഴ്സിറ്റിയുടെ വിസിറ്റിങ് പ്രൊഫസറും കൂടിയാണ് അനുഷ ഷാ. ഡിസൈനിങ്ങിലും മാനേജിങിലും യുകെ യിലെ ലീഡിങ് പ്രോജക്ടുകളിലും 22 വർഷത്തെ പ്രവർത്തന പരിചയം ഉള്ള അനുഷ വാട്ടർ & എൻവയോൺമെന്റ് എഞ്ചിനീയറിംഗിലാണ് സ്പെഷ്യലൈസ് ചെയ്യുന്നത്.

2021 ൽ വോൾവർഹംടൺ യൂണിവേഴ്സിറ്റിയിൽ നിന്നും പ്രൊഫസർഷിപ്പും ലഭിച്ചു.2016 ൽ ICE യുടെ ലണ്ടൻ റീജിയണിൽ അംഗം ആകുന്നതിനു മുമ്പ് തന്നെ അതിന്റെ ചെയർമാൻ ആയ ആദ്യ വനിത കൂടിയാണ് അനുഷ. കാലാവസ്ഥ വ്യതിയാനത്തെക്കുറിച്ച് ആളുകളിൽ അവബോധം സൃഷ്ടിക്കാൻ ഒരു കൺസൽട്ടൻസി കൂടി അനുഷ സ്ഥാപിച്ചിട്ടുണ്ട്.