'ഗർഭപാത്രം വിൽപ്പന ചരക്കല്ല': വാടക ഗർഭധാരണ നിയന്ത്രണബിൽ നിലവിൽ

വാടക ഗർഭധാരണത്തിന് നിയന്ത്രണങ്ങളോ നിയമങ്ങളോ ഇല്ലാത്ത സാഹചര്യത്തിൽ കടുത്ത ചൂഷണ മേഖലയായി ഇത് മാറിയിരുന്നു.വിദേശ രാജ്യങ്ങളിൽ നിന്നടക്കം വാടക ഗർഭപാത്രം തേടി ആളുകൾ ഇന്ത്യയിലെത്തി തുടങ്ങി. പ്രസവശേഷം കുട്ടികൾക്ക് എന്തെങ്കിലും ആരോഗ്യപ്രശ്നങ്ങളോ ശാരീരിക വൈകല്യങ്ങളോ ഉണ്ടെങ്കിൽ അവരെ ഉപേക്ഷിച്ചു പോയ സംഭവങ്ങളും റിപ്പോർട്ട് ചെയ്യപ്പെട്ടു. വാടക ഗര്‍ഭധാരണത്തിന്റെ പേരിൽ രാജ്യത്തെ സ്ത്രീകൾ നേരിടുന്ന അനീതികളുടെ പശ്ചാത്തലത്തിലാണ് ബില്ല് പാസാക്കിയിരിക്കുന്നത്.

പരോപകാര പ്രവൃത്തിയെന്നാണ് വാടക ഗർഭധാരണത്തെ ബില്ലിൽ വിശേഷിപ്പിക്കുന്നത്. പുതിയ നിയന്ത്രണങ്ങൾ പ്രകാരം ഗർഭകാലത്തും പ്രസവത്തിനും ചെലവാകുന്ന തുകയല്ലാതെ പണമോ മറ്റ് പാരിതോഷികങ്ങളോ കൈപ്പറ്റാൻ പാടില്ല.