39.5 ലക്ഷം രൂപയുടെ വാഹനത്തിന് 34 ലക്ഷം രൂപ ചെലവിട്ട് ഇഷ്ട നമ്പർ സ്വന്തമാക്കി; ലക്ഷങ്ങൾ വാരിവിതറി യുവാവ്

അഹമ്മദാബാദ് സ്വദേശിയായ ആഷിക് പട്ടേൽ എന്ന ഇരുപത്തിയെട്ടുകാരൻ ആദ്യമായി സ്വന്തമാക്കിയ വാഹനത്തിന് ഭാഗ്യ നമ്പർ എന്ന് താൻ വിശ്വസിക്കുന്ന 007 തന്നെ ലഭിക്കണം. ഇഷ്ട നമ്പരിന് വേണ്ടി അധികൃതരെ സമീപിച്ചപ്പോൾ അതേ നമ്പരിന് മറ്റൊരു ആവശ്യക്കാരൻ കൂടിയുണ്ട്.

ഇതോടെ പരസ്പരം വിട്ടു കൊടുക്കാതെ ലേലം വിളിയായി. പൊരിഞ്ഞ പോരാട്ടത്തിനൊടുവിൽ ആഷിക് തന്നെ വിജയിച്ചു. ജെയിംസ് ബോണ്ടിന്റെ നമ്പരായ 007 ആഷിക് സ്വന്തമാക്കിയ വില കേട്ടാൽ ഞെട്ടും. 34 ലക്ഷം രൂപയ്ക്കാണ് നമ്പർ ആഷിക് സ്വന്താക്കിയത്.

കോവിഡിന്റെ സമയത്ത് ആളുകൾ സാമ്പത്തികമായി ബുദ്ധിമുട്ടുന്ന കാലത്ത് ഇതൊക്കെ ആർബാഢമല്ലേ എന്ന് ചോദിച്ചാൽ  ജെയിംസ് ബോണ്ട് ആരാധകനായ ആഷികിന്റെ മറുപടി ഇങ്ങനെയാണ്,

GJ01WA007 എന്ന നമ്പർ പുതുപുത്തൻ എസ് യുവിക്ക് ലഭിക്കുന്നത് നവംബർ 23 നാണ്. 25,000 രൂപയായിരുന്നു ഈ നമ്പരിന് നൽകേണ്ടിയിരുന്നത്. എന്നാൽ ഇതേ നമ്പർ ആവശ്യപ്പെട്ട് മറ്റൊരാൾ കൂടി വന്നതോടെ ഓൺലൈനിൽ വലിയ ലേലം വിളിയായി. 25 ലക്ഷം രൂപ വരെ ആഷികിന് എതിരായുണ്ടായിരുന്നയാൾ വിളിച്ചു. അർധരാത്രി 12 മണി വരെ നീണ്ട ലേലം വിളിയിൽ 11.53 ന് ആഷിക് 34 ലക്ഷം രൂപയ്ക്ക് നമ്പർ സ്വന്തമാക്കുകയായിരുന്നു.